ម៉ូតូ២គ្រឿងបើកបរមិនប្រយត្ន័បុកគ្នាពេញទំហឹងបណ្តាលស្លាប់ម្នាក់២នាក់ទៀតរបួសធ្ងន់និងស្រាល
ភ្នំពេញ៖ បុរសម្នាក់ស្លាប់ក្រោយពេលបញ្ជូនទៅសង្រ្គោះនៅឯមន្ទីពេទ្យនិងពីរនាក់ទៀតរងរបួសធ្ងន់ស្រាលបន្ទាប់ពីរជិះម៉ូតូបុកគ្នាពេញទំហឹង។ គ្រោះថ្នាក់ចរាចរណ៍នេះបានកើតឡើងនៅវេលាម៉ោង១០និង៣០នាទីយប់ថ្ងៃទី២១ខែធ្នូឆ្នាំ២០១៨ នៅចំណុចស្តុបភីហ្សាខុមម៉ូនី តាមបណ្តោយផ្លូវកម្ពុជាក្រោមកែងនិងផ្លូវ២៦១ សង្កាត់ទឹកល្អក់១ ខណ្ឌទួលគោក។ ជនរងគ្រោះ(ស្លាប់)និងអ្នករងរបួសធ្ងន់ស្រាលមិនទាន់ស្គាល់អត្តសញ្ញាណនោះទេ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញយុវជនពីរនាក់ជិះម៉ូតូមួយគ្រឿងម៉ាកហុងដាវ៉ែវពណ៌ក្រហមពាក់ស្លាកលេខភ្នំពេញ1H-1927ធ្វើដំណើរតាមបណ្តោយផ្លូវ២៦១ទិសដៅពីជើងទៅត្បូងលុះមកដល់ចំណុចកើតហេតុក៍មានម៉ូតូមួយគ្រឿងទៀតម៉ាកហ្សូម័រអ៊ិចពណ៌ក្រហមពាក់ស្លាកលេខភ្នំពេញ1GE-2537ជិះដោយបុរសម្នាក់តាមបណ្តោយផ្លូវកម្ពុជាក្រោមទិសដៅពីលិចបុកគ្នាពេញទំហឹងបណ្តាលឲ្យម្ចាស់ម៉ូតូហ៊្សូ ម័រអ៊ិចផ្លោងទៅមុខភីហ្សាខុមម៉ូនីរងរបួសធ្ងន់ចំណែកខាងម៉ូតូវ៉ែវរងរបួសធ្ងន់ម្នាក់និងស្រាលម្នាក់បន្ទាប់មកត្រូវបានរថយន្តសង្គ្រោះក្លីនីករស្មីពីរគ្រឿងមកដឹកជនរងគ្រោះទាំងបីនាក់ទៅសង្គ្រោះភ្លាមៗដោយស្ថានភាពអ្នករងគ្រោះពីនាក់ធ្ងន់ធ្ងរពេកបានបញ្ជូនបន្តទៅសង្គ្រោះនៅឯមន្ទីពេទ្យកាលម៉ែត្រ។បន្ទាប់បានស្លាប់ម្នាក់ ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយកម៉ូតូទាំងពីរគ្រឿងទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញរងចាំដោះស្រាយគ្នាទៅតាមផ្លូវច្បាប់។ដោយឡែកសពជនរងគ្រោះសមត្ថកិច្ចធ្វើការស្រាវជ្រាវរកសាច់ញាត្តិប្រគល់ជូនយកទៅធ្វើបុណ្យតាមប្រពីណី៕
Read More
