សមត្ថកិច្ចឆ្មក់បង្ក្រាបទីតាំងinternet បង្កប់ល្បែងស៉ីសង និងចែកចាយគ្រឿងញៀន
ភ្នំពេញ៖ កម្លាំងសមត្ថកិច្ច នៃអធិការដ្ឋាននគរបាលខណ្ឌដូនពេញ ឆ្មក់បង្ក្រាបទីតាំងល្បែងស៉ីសង មួយកន្លែង លួចលាក់ជួញដូរនិងចែកចាយគ្រឿងញៀនដោយខុសច្បាប់ឃាត់ខ្លួនមនុស្សប្រុសស្រីចំនួន១៥នាក់
ប្រតិបត្តិការនេះ ធ្វេីឡេីងកាលពីវេលាម៉ោង ៤និង៣០នាទីល្ងាចថ្ងៃទី០៣ខែតុលាឆ្នាំ២០១៩ នៅចំណុចផ្ទះលេខ៦២ផ្លូវ៥១ ក្រុម១០ ភូមិ១០ សង្កាត់ផ្សារថ្មី៣ ខណ្ឌដូនពេញ ។
សមត្ថកិច្ចបានឲ្យដឹងថា ក្នុងប្រតិបត្តិការបង្ក្រាបទីតាំងបេីកល្បែងស៉ីសង លួចលាក់ជួញដូរ និងចែកចាយគ្រឿងញៀនដោយខុសច្បាប់នោះ កម្លាំងសមត្ថកិច្ចបានធ្វើការឃាត់ខ្លួនជនសង្ស័យប្រុសស្រីចំនួន ១៥នាក់ក្នុងនោះមាន( ស្រី ៧នាក់ )ជនជាតិបរទេស២នាក់ ដោយបានដកហូតម្សៅក្រាមពណ៌សរថ្លាសង្ស័យជាគ្រឿងញៀនចំនួន១២កញ្ចប់ដាវកែច្នៃមួយដេីម, ថង់សំរាប់ច្រកគ្រឿងញៀននិងឧបករណ៍ប្រើប្រាស់មួយចំនួន។
ក្រោយធ្វើការបង្ក្រាបបានជនសង្ស័យប្រុសស្រីទាំង១៥នាក់ រួមជាមួយវត្ថុតាង ត្រូវបានកម្លាំងសមត្ថកិច្ចនាំយកទៅសាកសួរនិងកសាងសំណុំនៅអធិការដ្ឋាននគរបាលខណ្ឌដូនពេញ ដេីម្បីចាត់ការបន្តតាមនីតិវិធីច្បាប់៕ 
