គ្រោះថ្នាក់ក្រឡាប់រថយន្តនៅស្ទឹងត្រែងស្លាប់មន្ត្រីគយម្នាក់
ស្ទឹងត្រែង៖ហេតុការណ៍គ្រោះថ្នាក់ចរាចរណ៍ក្រឡាប់រថយន្ត នៅតាមបណ្ដោយផ្លូវជាតិលេខ៧ បណ្ដាលមន្ត្រីគយម្នាក់ស្លាប់និងម្នាក់ទៀតរបួសធ្ងន់ ៖ ហេតុការណ៍ដ៏រន្ធត់នេះបានកើតឡើងកាលពីវេលាម៉ោង៨ ព្រឹកថ្ងៃទី ១៣ខែកុម្ភៈឆ្នាំ ២០១៩ នៅលើកំណាត់ផ្លូវជាតិលេខ៧ត្រង់ចំណុចភូមិខាំផាន់សង្កាត់សាមគ្គី ក្រុងនិងខេត្តស្ទឹងត្រែង។
បើតាមប្រភពព័ត៌មានពីសមត្ថកិច្ចបានអោយដឹងថា មន្ត្រីគយ២នាក់បានធ្វើដំណើររួមគ្នាដោយរថយន្ត១គ្រឿងម៉ាក(តាកូម៉ា) ពាក់ស្លាកលេខភ្នំពេញ2Y-2307ទិសដៅពីស្ទឹងត្រែងឆ្ពោះទៅច្រកត្រពាំងក្រៀលកម្ពុជា&ឡាវ ខណៈមកដល់ចំណុចកើតហេតុជិតដល់ច្រកត្រពាំងក្រៀលទៅហើយស្រាបតែរថយន្តក្រឡាប់ជាច្រើនត្រឡប់បណ្ដាលឲ្យមន្ត្រីគយម្នាក់ស្លាប់នៅកន្លែងនិងម្នាក់ទៀតរបួសធ្ងន់ត្រូវបានបញ្ជួនទៅមន្ទីរពេទ្យដើម្បីសង្គ្រោះបន្ទាន់។
សមត្ថកិច្ចអោយដឹងទៀតថា ជនរងគ្រោះដែលស្លាប់ជាមន្ត្រីគយ ទើបចូលថ្មី និងមន្ត្រីគយ ម្នាក់ទៀតរបួសធ្ងន់មានឈ្មោះ ចក់ធឿន នៅមន្ទីរពេទ្យកំពុងសង្គ្រោះ ៕
