រពឹសដៃចង្រៃខ្លួនទាំងវ័យក្មេង!!លួចកាបូបបានតែរត់មិនរួច

ភ្នំពេញ៖ ក្មេងប្រុសរពឹសដៃម្នាក់ត្រូវបានបងប្អូនអាជីវក ចាប់បានស្វាគម២ទៅ៣ដៃ បន្ទាប់ពីក្មេងប្រុសរូបនោះ បានធ្វើសកម្មភាពលួចយកកាបូបដាក់លុយនិងទូរសព្ទ័ របស់ស្ត្រីអ្នកលក់សាច់គោបានសម្រេចតែរត់មិនរួច
ហេតុការណ៍នេះបានកើតឡើងកាលពីវេលាម៉ោង០៦ និង១០នាទីព្រឹកថ្ងៃទី០៣ខែសីហាឆ្នាំ២០១៨ នៅតាមបណ្ដោយផ្លូវលេខ៩០០ ត្រង់ចំនុចគ្រែលក់សាច់គោ ស្ថិតក្នុសង្កាត់ស្រះចក ខណ្ឌ ដូនពេញ រាជធានីភ្នំពេញ។

ក្មេងប្រុសដែលជាជនសង្ស័យលួចយកកាបូបមិនត្រូវបានស្គាល់ឈ្មោះ នោះទេព្រោះក្រោយចាប់បានយក កាបូបវិញភ្លាមៗត្រូវបានគេលែងទៅវិញ ។

បើតាមសម្ដីស្ត្រីរងគ្រោះដែលជាអ្នកលក់សាច់គោបានឲ្យដឹងថា មុនពេលកើតហេតុរូបគាត់បានចេញមកពីផ្ទះមកលក់ដូចរាល់ថ្ងៃ ខណៈមកដល់កន្លែងលក់គាត់បានទុកកាបូបនៅក្នុងកន្ត្រកយួដៃលើគ្រែហើយចូលទៅយកឥវ៉ាន់មករៀបចំលក់ ពេលនោះក្មេងប្រុសដែលជាជនសង្ស័យឃើញឱកាសល្អក៏បានលួចយករួចបានព្យាយាមរត់គេចខ្លួនតែត្រូវអ្នកលក់ដូរក្បែកន្លែងស្ត្រីរងគ្រោះឃើញទាន់បានរត់ដេញចាប់ បានយកកាបូបមកវិញនិងស្វាគម២ទៅ៣ដៃរួចនាំមកកន្លែងស្ត្រីរងគ្រោះនិងយកកាបូបឲ្យវិញ តែមិនបាន បាត់បង់អ្វីនោះទេ ។

ក្រោយពេលកើតហេតុដោយក្រុមអាជីវកខ្លះមានអាណិតបានឃាត់មិនឲ្យគេវាយនិងបានណែនាំនិងលែងក្មេងប្រុសរពឹសដៃរូបនោះឲ្យទៅផ្ទះវិញដោយ មិនយកទោសពៃនោះទេ ហើយប្រាប់កុំឲ្យធ្វើដូច្នេះទៀត ៕