កក្រើកទៀតហើយលោកហ៊ូវ ជីវៃ និងឈ្មោះ នីកាចាញ បាននាំគ្នាសម្រុកកាប់បំផ្លាញព្រៃឈើនៅខេត្តរតនគីរី ដឹកយកទៅលក់ នៅប្រទេសវៀតណាម បានយ៉ាងរលួន
រតនគីរី៖ យោងតាមសារព័ត៌មានពន្លឺ ជាតិ បាន សរសេរ អោយដឹងថា កក្រើកសារជាថ្មីម្ដងទៀតហើយ ក្បួនឡាន ដឹកជញ្ជួនឈើខុសច្បាប់ឈ្មោះ ហូ ជី វៃ និងឈ្មោះ នីកាចាញ បាននាំគ្នាសម្រុកកាប់បំផ្លាញព្រៃឈើ ពីខេត្តរតនគីរីយកទៅលក់នៅប្រទេសវៀតណាម បានយ៉ាងរំភើយ !! ប្រភពបានលើកឡើងថា កាលប៉ុន្មានខែមុន លោកគឹម រស្មី អតីតមេបញ្ជាការ កងរាជអាវុធហត្ថខេត្តរតនគីរីត្រូវបានប្រមុខរាជរដ្ឋាភិបាលបញ្ឈប់តួនាទីពីមន្រ្តីកងរាជអាវុធហត្ថមក ឃើញថា ខេត្តរតនគីរី បានស្ងប់ស្ងាត់ឈ្មួញរកសុីដឹកជញ្ជូនឈើខុសច្បាប់មួយរយៈពេលខ្លី តែឥឡូវមិនទាន់បានប៉ុន្មានខែផង នៅយប់ថ្ងៃទី១៣ មិថុនា ឆ្នាំ២០១៩ ថ្មីៗនេះនាក់ភូមិនៅខេត្តរតនគីរីបាននាំគ្នានិយាយថាពិតជាមានការចរចាគ្នាមែននាំរថយន្តដឹកជញ្ជូនឈើខុសច្បាប់ ចាប់ពី៥០ឡើង ទៅ៧០ គ្រឿង ចេញតាមផ្លូវច្រកអណ្តូងមាស ដឹកជញ្ជូនឈើប្រណិត ខុសច្បាប់ ទៅលក់នៅប្រទេសវៀតណាម បានយ៉ាងរលូន អាជ្ញាធរមានសមត្ថកិច្ចពាក់ពន្ឋមិនហ៊ានធ្វើការបង្រ្កាបទាល់តែសោះ។
ប្រភពច្បាស់ការពីពលរដ្ឋរស់នៅក្នុងខេត្តរតនគីរីបាននាំគ្នាបង្ហើបមកប្រាប់អ្នកសារព័ត៌យើងអោយបានដឹងថា សកម្មភាពដឹកជញ្ជូនឈើខុសច្បាប់ របស់ ហ៊ូវ ជីវៃ និងឈ្មោះ នីកាចាញ ត្រូវបានដំណើរការបានយ៉ាងរលូន ប្រហែលជាចៅ វាយខេត្ត ឬសមត្ថកិច្ចពាក់ពន្ឋ័ បើកដៃឲ្យក្រុមឈ្មួញរកសុីដឹកជញ្ជូនឈើខុសច្បាប់ ចេញតាមផ្លូវអណ្តូងមាសយកទៅលក់នៅឯប្រទេសវៀតណាមបានយ៉ាងស្រួល ឬ មួយជាឆ្នាំបាយរបស់អាជ្ញាធរមានសមត្ថកិច្ចពាក់ពន្ឋ័បានជាមិនហ៊ានធ្វើការបង្រ្កាបបើចឹងមែននោះពិតជា ហិនហោចអស់ហើយធនធានធម្មជាតិនៅខេត្តរតនគីរី។
