ខ្លាំងមិនធម្មតាមែន ! ទីតាំងបនល្បែងសុីសងយីហោកាសា(CASA)កម្លាំង គណៈបញ្ជាការឯកភាព ខណ្ឌដូនពេញ ចុះបង្ក្រាបមិនបានមួយចម្អិនកំពឹសផងស្រាប់តែបេីកឡេីងវិញដ៏ដែល
ភ្នំពេញ ៖ ពិតជាខ្លាំងមែន ទីតាំងបនល្បែងសុីសងដ៏ធំនៅក្បែមន្ទីរពេទ្យគុន្ធបុប្ផា ដែលគេស្គាល់ថា(CASA)បានបេីកដំណេីរឡេីងវិញហេីយបន្ទាប់ពីកម្លាំង គណៈបញ្ជាការឯកភាព ខណ្ឌដូនពេញ ចុះបង្ក្រាបបានមួយចម្អិនកំពឹស។
សូមរំលឹកថា: កាលពីថ្ងៃទី៩ខែឧសភា ឆ្នាំ២០២៣ លោក ជា ខេមា អភិបាល នៃគណៈអភិបាល ខណ្ឌដូនពេញ បានដឹកនាំកម្លាំង គណៈបញ្ជាការឯកភាព រដ្ឋបាលខណ្ឌដូនពេញ ចុះពិនិត្យជាក់ស្តែង ណែនាំដល់ម្ចាស់គ្រប់គ្រងទីតាំងបនល្បែងមួយនេះ ហាមមិនឲ្យមានបង្កប់ល្បែងស៊ីសង គ្រប់ប្រភេទ និងបទល្មើសផ្សេងៗដែលខុសច្បាប់ ការជូញដូរមនុស្ស និងសារធាតុញៀនជាដើម ក្នុងករណីមិនអនុវត្តតាមកិច្ចសន្យាអាជ្ញាធរ និងអនុវត្តតាមនិតិវិធីច្បាប់។
ប៉ុន្តែផ្ទុយទៅវិញ សេចក្ដីរាយការណ៍មកថាទីតាំងបនល្បែង(ភ្នាល់ចាក់បាល់ បៀរការ៉ាត់)និងល្បែងស៊ីសង ផ្សេងៗទៀត យីហោកាសា(CASA)នៅតាមបណ្តោយផ្លូវ47 ជាប់មន្ទីរពេទ្យគន្ធបុប្ផា ស្ថិតនៅសង្កាត់វត្តភ្នំ ខណ្ឌដូនពេញ រាជធានីភ្នំពេញ មួយនេះកំពុងដំណើរការបើកលេងឡេីងវិញ ដែលផ្គើននិងបទបញ្ជាស្តីពីការទប់ស្កាត់ល្បែងសុីសងគ្រប់ប្រភេទ របស់ សម្តេចតេជោ ហ៊ុនសែន ។
ប្រភពដដែលបានសង្ស័យ ថា ម្ចាស់ទីតាំងបនល្បែងដ៏ធំ មួយកន្លែងនេះប្រហែលជាមានខ្នងបង្អែកធំហេីយមេីលទៅ ទេីបមិនខ្លាចញញេីត លោក ជា ខេមា អភិបាលខណ្ឌដូនពេញ ។
ទោះជាយ៉ាងណា មហាជនទូទៅស្នើសុំយ៉ាងទទូចដល់ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ ជាពិសេស លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ សូមមេត្តាចាត់វិធានការផ្លូវច្បាប់ ចំពោះទីតាំងប្រព្រឹត្តបទល្មើសល្បែងស៊ីសងខុសច្បាប់ មួយកន្លែងនេះផង ដើម្បី រក្សាឲ្យបាននូវសន្តិសុខសុវត្ថិភាពជួនប្រជាពលរដ្ឋ អោយស្របតាមគោលនយោបាយ ភូមិ ឃុំ មានសុវត្ថិភាព ទាំង៧ចំណុចរបស់រាជរដ្ឋាភិបាល ដែលបានដាក់ចេញដោយក្រសួងមហាផ្ទៃ ។
សូមរំលឹកថា: កាលពីថ្ងៃទី១៧ ខែកញ្ញា ឆ្នាំ២០២២ កន្លងទៅនេះ សម្តេចតេជោ ហ៊ុនសែន នាយករដ្ឋមន្ត្រី នៃកម្ពុជា បានដាក់បទបញ្ជាឲ្យអភិបាលរាជធានី ទាំង២៥ ខេត្ត ក្រុង ដែលតម្រូវឲ្យបង្រ្កាប!ទីតាំងបនល្បែងស៊ីសងខុសច្បាប់គ្រប់ប្រភេទ នូវទូទាំងប្រទេស ដោយគ្មានការលើកលែង
សម្តេចតេជោ ហ៊ុនសែន បានបញ្ជាក់យ៉ាងដាច់ណាត់ទៀតថា: បើអាជ្ញាធរនិងសមត្ថកិច្ចមូលដ្ឋាន ស្រុក ក្រុង ខេត្ត ណាមិនបង្ក្រាបឬទប់ស្កាត់ ល្បែងស៊ីសងខុសច្បាប់ នៅក្នុងមូលដ្ឋានរបស់ខ្លួន ! អាជ្ញាធរនិងសមត្ថកិច្ចទាំងនោះនិងត្រូវប្រឈមនិងការដកតំណែងទៀតផង ៕ 
