គ្រោះថ្នាក់ចរាចរណ៍បន្តិចបន្តួចរំខានសមត្ថកិច្ចត្រូវជាប់ខ្នោះ
ភ្នំពេញ៖ បុរសម្នាក់សង្ស័យស្រវឹងស្រា ជិះម៉ូតូក្នុងល្បឿនលឿនមិនប្រយត្ន័ជ្រុលទៅបុកគូទរថយន្តឈប់នៅស្តុ បពេញទំហឹងបណ្តាលឲ្យរងការខូចខាតយ៉ាងដំណំ។
ហេតុការណ៍នេះកើតឡើងកាលពីវេលាម៉ោង១០និង១០នាទីយប់ថ្ងៃទី២៦ខែឧសភាឆ្នាំ ២០២០ នៅចំណុចស្តុបសេះមាស តាមបណ្តោយផ្លូវវ៉េងស្រេង កែងផ្លូវ៣០ម៉ែត្រ ក្នុងសង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។
យោងតាមសម្ដីរបស់ម្ចាស់រថយន្តបានប្រាប់ឲ្យដឹងថា មុនកើតហេតុរូបគាត់បើករថយន្តមួយគ្រឿងម៉ាក lexus rx300ពណ៌សស្លាកលេខភ្នំពេញ2W-5890ធ្វើដំណើរតាមបណ្តោយផ្លូវវ៉េងស្រេងទិសដៅពីកើតទៅលិច ខណៈមកដល់ចំណុចកើតហេតុខាងលើកែងនឹងផ្លូវ ៣០ ម៉ែត្របានឈប់រងចាំភ្លើងស្តុប ខណៈនោះក៏មានបុរសម្នាក់ជិះម៉ូតូមួយគ្រឿងម៉ាកហុងដាស្កុបពីពណ៌សពាក់ស្លាកលេខភ្នំពេញ1BD-6794ធ្វើដំណើរមកពីក្រោយយ៉ាងលឿនជ្រុលមកបុករថយន្តរបស់គាត់ពីក្រោយផ្នែកខាងស្តាំពេញទំហឹងបណ្ដាលឲ្យ កំពិតកាងនឹងបែកស្តុបមួយចំហៀង។ចំណែកម៉ូតូរងការខូចខាតផ្នែកខាងមុខយ៉ាងដំណំ។
ក្រោយកើតហេតុសមត្ថកិច្ចមូលដ្ឋានបានចុះមកដល់បានឲ្យភាគីទាំងសងខាងធ្វើការសម្របសម្រួលគ្នាអស់រយៈពេលជាង ២ម៉ោងនៅមិនត្រូវគ្នាទើបសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញមកវាស់វែង និងយកបុរសដែរបើកម៉ូតូបង្កបញ្ជូនតាមរថយន្តនគរបាលខណ្ឌមានជ័យដើម្បីទៅទុកដោះស្រាយគ្នានៅពេលក្រោយ ខណៈបើកមកដល់ចំណុចមុខការ៉ាស់សាំង តូតាល់ តាមបណ្ដោយផ្លូវ ២៧១ ក្នុងសង្កាត់បង់កំពុងទី ១ បុរសដែលបង្គរបានកូសមត្ថកិច្ចនិងបានទាញចង្កូតរថយន្តរបស់សមត្ថកិច្ចរេពេញផ្លូវធ្វើឲ្យសមត្ថកិច្ចទ្រាំលែងបានក៏ហៅកម្លាំងចុះមកអន្តរាគមន៍រួចចាប់វាយខ្នោះបញ្ជូនទៅអធិការខណ្ឌមានជ័យបន្ត៕
