អាណិតណាស់! ស្ត្រីម្នាក់ស្លាប់ភ្លាមៗនៅក្នុងរឺម៉កម៉ូតូកង់បី ឯប្ដីនិងកូច២នាក់របួសធ្ងន់
ភ្នំពេញ៖ ស្ត្រីម្នាក់បានស្លាប់ក្នុងកង់បីភ្លាមៗនិង៥នាក់ទៀតរងរបួសធ្ងន់ បន្ទាប់ពីជិះកង់បីតាមផ្លូវត្រូវរថយន្តសាមយ៉ុងមួយគ្រឿងបើកបុកពេញទំហឹងផ្លោងទៅផ្ទាប់ជាមួយរថយន្តកុងទីន័រ ៖ ហេតុការណ៍គ្រោះថ្នាក់ចរាចរណ៍គួរឲ្យរន្ធត់នេះបានកើតឡើងកាលពីវេលាម៉ោង៤និង១០នាទីទៀបភ្លឺ ថ្ងៃទី២៤ ខែមីនា ឆ្នាំ២០២០ នៅតាមបណ្ដោយផ្លូវហាណូយ ចំណុច ក្រេនភ្នំពេញ ក្នុងសង្កាត់ឃ្មួួញ ខណ្ឌសែនសុខ រាជធានីភ្នំពេញ។
សពស្ត្រីរងគ្រោះមានឈ្មោះ កើត សំបូរ អាយុ៣៧ឆ្នាំ មុខរបរលក់បន្លែ ស្នាក់នៅភូមិសែនសុខសង្កាត់ឃ្មួញ ខណ្ឌសែន ៖ មានស្រុកកំណើត ភូមិពោធិ៏ ឃុំខ្សែត ស្រុកកំពង់រោរិ៏ ខេត្តស្វាយរៀង ។ នៅក្នុងកាបូបរបស់ជនរងគ្រោះមានខ្សែករ មាស១ខ្សែរ ខ្សែរដៃ១ខ្សែរ និងលុយ១៧០$ លុយខ្មែរចំនួន៦០មុឺនរៀល។
ប្តីមានឈ្មោះ ប៉ុល ភ័ត្រា អាយុ ៣៩ឆ្នាំ ជនជាតិខ្មែរ មុខរបររត់កង់បី ស្នាក់នៅជាមួយគ្នារងរបួសធ្ងន់ និងកូនតូចៗ២នាក់ទៀតរងរបួសធ្ងន់ដូចគ្នា។
ចំណែកអ្នកបើកបររថយន្តបង្កមានឈ្មោះ សាំង គឹមអុល ភេទប្រុស អាយុ៥២ឆ្នាំជនជាតិខ្មែរ មុខរបរបើកឡាន រស់នៅភូមិខ្វាវ ឃុំខ្វាវ ស្រុកត្រាំង ខេត្តតាកែវ រងរបួសធ្ងន់ទាំង២នាក់។
បើតាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តសាមយ៉ុង ពណ័ស ពាក់ស្លាកលេខភ្នំពេញ2AK-8945 ធ្វើដំណើរតាមបណ្ដោយផ្លូវហាណូយ ទិសដៅពីជើងទៅត្បូងក្នុងល្បឿនយ៉ាងលឿន សង្ស័យងងុកដេក ខណៈមកដល់ចំណុចកើតហេតុខាងលើបានរេចង្កូតជ្រុលទៅបុករុឺម៉កកង់បី ពណ៌ក្រហម ពាក់ស្លាកលេខភ្នំពេញ1BG-9059 បើកបរបុរសរងគ្រោះរួមដំណើរជាមួយប្រពន្ធនិងកូនតូចៗប្រុសស្រីពីរនាក់ដែលធ្វើដំណើរស្របទិសគ្នា បុករុញផ្ទាប់និងរថយន្តកុងទីន័រ ពណ៌ស ពាក់ស្លាកលេខភ្នំពេញ3C-0326ដែលចតស្ងៀមលើចិញ្ចើមផ្លូវពេញបណ្ដាលឲ្យភាគីខាងកង់បីមួយគ្រួរសាប្ដីនិងកូនតូចប្រុសស្រីរងរបួសធ្ងន់ ចំណែកប្រពន្ធស្លាប់គួរឲ្យអណោចអធម៌ គៀបជាប់ក្នុងកង់បី រីឯតៃកុងរថយន្តបង្កនិងព្រូរងរបួសធ្ងន់ត្រូវរថយន្តសាម៉ុយដឹកយកទៅសង្គ្រោះនៅមន្ទីរពេទ្យ ។
ក្រោយកើតហេតុសមត្ថកិច្ចជំនាញចរាចរណ៏ចុះវាស់វែង យករថយន្តទាំងពីរគ្រឿងនិងម៉ូតូកង់បីរងគ្រោះទៅរក្សាទុកនៅការិយាល័យចរាចរណ៏ផ្លូវគោក រាជធានីភ្នំពេញ ដើម្បីកសាងសំណុំរឿងចាត់ការតាមនិតិវិធីច្បាប់។
ចំណែកសពស្ត្រីរងគ្រោះសមត្ថកិច្ចធ្វើកំណត់រួចប្រគល់ឲ្យក្រុមគ្រួសារដឹកយកទៅធ្វើបុណ្យ តាមប្រពៃណីនៅស្រុកកំណើត៕
