បើករថយន្តលឿនវាក់និងម៉ូតូឆ្លងផ្លូវបួងចង្កូតធ្លាក់ចូលប្រឡាយទឹកស្អុយក្រឡាប់ផ្ងារជើង
ភ្នំពេញ ៖ បុរសម្នាក់បើករថយន្ត ស៊េរីទំនើបម៉ាក់ ម៉ាស្តា បោះពួយយ៉ាងលឿនខ្វះការប្រុងប្រយត្ន័គេចពីម៉ូតូជ្រុលធ្លាក់ ប្រឡាយលូទឹកស្អុយ ក្រឡាប់ផ្ងារជើង
ហេតុការណ៍នេះបានបង្កការភ្ញាក់ផ្អើលកាលពីវេលាម៉ោង០៨និង១០នាទីយប់ថ្ងៃទី១១ ខែមីនា ឆ្នាំ២០២០ នៅត្រង់ចំណុចមុខ ច្រកចូលផ្សារ មនោរម្យ ក្នុងភូមិកន្ទោកខាងជើង សង្កាត់កន្ទោក ខណ្ឌកំបូល រាជធានីភ្នំពេញ។
តាមប្រភពព័ត៌មាននៅកន្លែងកើតហេតុបានបានប្រាប់ឲ្យដឹងថា មុនដំបូងគេបានឃើញ រថយន្តសេរីទំនើបខាងលើម៉ាក ម៉ាស្តា ពណ៌ខ្មៅ ពាក់ស្លាកលេខ ភ្នំពេញ2AB-6689 បើកបរតាមបណ្ដោយផ្លូវជាតិលេខ ៤ ទិសដៅពីលិចមកកើត ក្នុងល្បឿនលឿន ខណៈ មកដល់ចំណុចកើតហេតុ ស្រាប់តែមានម៉ូតូមួយគ្រឿងបើក បញ្ច្រាសទឹសគ្នា បំណងឆ្លងផ្លូវទៅខាងឆ្វេង ស្រាប់តែ វ៉ាក់អើ និងម៉ូតូ បួងចង្កូតមកខាងស្ដាំជ្រុលធ្លាក់ ចូលប្រឡាយលូទឹកស្អុយក្រឡាប់ ផ្ងារជើងមួយចំហៀងរងការខូចខាតរថយន្ដយ៉ាងដំណំ ។
ប្រភពបានបន្តថា ចំណែកអ្នកបើកបររងរបួសស្រាល បានលូនចេញពីរថយន្តមកក្រៅរួចគេចខ្លួនបាត់។ លុះមួយសន្ទុះក្រោយមកក៏មានតំណាងបានមកដល់កន្លែងកើតហេតុ និងបានអន្តរាគមន៍សុំសមត្ថកិច្ចយករថយន្តទៅជួសជុលដោយខ្លួនឯង។
ក្រោយពេលមានហេតុការណ៍កើតឡើងសមត្ថកិច្ចមូលដ្ឋានបានចុះមកដល់រួចពិនិត្យមើលឃើញថារថយន្ដ ក្រឡាប់ ចូលក្នុងប្រឡាយលូទឹកស្អុយ មិនមានការ ប៉ះពាល់ដល់អ្នកដទៃនិងទ្រព្យសម្បត្តិសាធារណៈរបស់រដ្ឋ ក៏អនុញ្ញាតឲ្យភាគីរថយន្តបង្កស្ទូចយកទៅជួសជុលដោយខ្លួនឯង៕
