ហួសចិត្ត! ចាញ់ល្បែងអស់លុយយកម៉ូតូប្អូនថ្លៃទៅបញ្ចាំរួចប្ដឹងកុហក់នគរបាលថាគេដាក់ថ្នាំយកម៉ូតូចុងក្រោយសុំទោសសមត្ថកិច្ច
ភ្នំពេញ៖ កាលពីថ្ងៃទី២៨ខែកុម្ភៈ២០២០មានការភ្ញាក់ផ្អើល បុរសម្នាក់បានមកដាក់ពាក្យបណ្ដឹងនៅប៉ុស្តិ៍រដ្ឋបាលនគរបាលជើងឯកថាមានគេដាក់ថ្នាំយកម៉ូតូការពិរឿងលេងល្បែងចាញ់អស់លុយនិងយកម៉ូតូប្អូនថ្លៃទៅបញ្ចាំនៅផ្សារឃ្លាំងរំសេវសោះ ហេតុការណ៍នេះបង្កមានការផ្អើលនៅវេលាម៉ោង៥និង ៣០នាទីល្ងាចថ្ងៃទី២៨ខែកុម្ភៈឆ្នាំ២០២០នៅប៉ុស្តិ៍នគរបាលជើងឯកខណ្ឌដង្កោ។
បុរសដែលកុហក់សមត្ថកិច្ចមានឈ្មោះ ភា រតនាអាយុ ២៧ ឆ្នាំ មុខរបរមិនពិតប្រាកដស្នាក់នៅជាមួយប្អូនថ្លៃ
បើតាមសម្ដីប្អូនថ្លៃដែលជាម្ចាស់ម៉ូតូមានឈ្មោះ ផេន សាវឿន អាយុ២៣ឆ្នាំមុខរបរកម្មករសំណង់ស្នាក់នៅខណ្ឌពោធិ៍សែនជ័យ បានប្រាប់ឲ្យដឹងថា កាលពីល្ងាចថ្ងៃទី២៧ ខែកុម្ភៈឆ្នាំ២០២០ បុរសដែលកុហក់សមត្ថកិច្ច បានមកខ្ចីម៉ូតូរបស់ខ្លួនថាជិះដើររកការងារធ្វើ លុះព្រឹកថ្ងៃទី២៨ ខែឆ្នាំដរដែ បុរសជាបងថ្លៃបានទៅជិះម៉ូតូទៅជួបបុរសចំណាស់ម្នាក់និងប្រាប់សន្យាថាជូនដើររកការងារឲ្យធ្វើ បន្ទាប់មកបុរសចំណាស់រូបនោះបាននាំបុរសជាបងថ្លៃទៅលេងបុកប៊ីយែរមួយកន្លែងនៅខណ្ឌពោធិ៍សែនជ័យ ដោយចាញ់អស់លុយច្រើនរួចក៏បានយកម៉ូតូរបស់គេយកទៅបញ្ចាំនៅផ្សារឃ្លាំងរំសេវបានចំនួន៩០០ដុល្លារយកមកលេងបន្តទៀតរហូតដល់ចាញ់អស់ពីខ្លួន បន្ទាប់មកបុរសជាបងថ្លៃបានទៅប្រាប់ប្រពន្ធនិងរូបគេដែលជាម្ចាស់ម៉ូតូថាគេបានឌុបបុរសម្នាក់ទៅមើលសារមន្ទីរជើងឯក ពេលដែលមកដល់ផ្លូវបេតុងភូមិរលួស សង្កាត់ជើងឯក កន្លែងស្ងាត់ស្រាប់តែគេបានដាក់ថ្នាំយកម៉ូតូទៅបាត់ ។
ប្រភពព័ត៌មានបានបន្តទៀតថាក្រោយពីបានដំណឹងពីបុរសទៅជាបងថ្លៃប្រាប់ដូច្នេះរូបគេដែលជាម្ចាស់ម៉ូតូនិងប្រពន្ធបានមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលជើងឯកដើម្បីឱ្យជួយស្រាវជ្រាវរកជនសង្ស័យដែលដាក់ថ្នាំយកម៉ូតូមកផ្ដន្ទាទោស ពេលនោះសមត្ថកិច្ចក៏បានទទួលពាក្យបណ្ដឹងហើយក៏ធ្វើការស្រាវជ្រាវ រហូតដល់ព្រឹកថ្ងៃទី២៩ខែឆ្នាំដរដែ វេលាម៉ោង ៩ ព្រឹកបុរសដែលត្រូវជាបងថ្លៃបានប្រាប់ទៅក្រុមគ្រួសាថារូបគេមិនបានមានអ្នកណាដាក់ថ្នាំយកម៉ូតូទេ គឺម៉ូតូយកទៅបញ្ចាំនៅផ្សារឃ្លាំងរំសេវ ពេលនោះក្រុមគ្រួសារនិងបងថ្លៃបានមកសុំទោសសមត្ថកិច្ចប៉ុស្តិ៍នគរបាលជើងឯកជាពិសេសលោកវរសេនីយ៍ឯក ជឹម ស៊ីថា ដែលជាអធិការខណ្ឌដង្កោផងដែរ។
ក្រោយមកសមត្ថកិច្ចប៉ុស្តិ៍នគរបាលរដ្ឋបាលជាងឯងក៏បាននាំបុរសដែលកុហក់សមត្ថកិច្ចថាគេដាក់ថ្នាំយកម៉ូតូទៅផ្សារឃ្លាងរំសេវដើម្បីលោះម៉ូតូយកមកវិញហើយបានអប់រំបុរសនោះនិងបានធ្វើកិច្ចន្យាកុំប្រព្រឹត្តដូច្នេះតទៅមុខទៀត៕
