លួចម៉ូតូបានសម្រេចយកទៅជិះបាន៧ថ្ងៃត្រូវសមត្ថកិច្ចចាប់វាយខ្នោះ
ភ្នំពេញ៖ ជនសង្ស័យ២នាក់ត្រូវបានកម្លាំងនគរបាល ខណ្ឌច្បារអំពៅ ឃាត់ខ្លួនប្រគល់ឲ្យនគរបាល ប៉ុស្តិ៍ចាក់អង្រែលើ ចាត់ការបន្តតាមនិតិវិធី បន្ទាប់ពីលួចម៉ូតូមួយគ្រឿងបានសម្រេច រយៈពេល៧ថ្ងៃ
ហេតុការណ៍នេះបានកើតឡើងកាលពីវេលាម៉ោង១០និង០០នាទីយប់ថ្ងៃទី១០ខែតុលាឆ្នាំ ២០១៩ នៅតាមបណ្ដោយផ្លូវជាតិលេខ១ ខណៈ ដែលកម្លាំងអធិការដ្ឋាននគរបាលខណ្ឌច្បារអំពៅ បានដាក់គោលដៅត្រួតពិនិត្យអាវុធជាតិផ្ទះនិងរិតបណ្តឹងច្បាប់ចរាចរណ៍ផ្លូវគោក នៅចំណុចសង្កាត់ ក្បាលកោះខណ្ឌច្បារអំពៅ ។
ជនសង្ស័យ២នាក់ដែលសមត្ថកិច្ចបានឃាត់ខ្លួន ទី ១៖ មានឈ្មោះ វីន ត្រេន ភេទប្រុសអាយុ២៧ឆ្នាំមុខរបររើសអេតចាយ ស្នាក់នៅមិនពិតប្រាកដ ។
ទី២៖ មានឈ្មោះ ឆាង ធារ៉ា ហៅ (ឃុត ពៅ)ភេទប្រុស អាយុ៣៩ឆ្នាំមុខរបរ និងស្នាក់នៅមិនពិតប្រាកដ (មានផ្ទុកសារធាតុញៀន) ។
-ចំណែកជនរងគ្រោះមានឈ្មោះ អ៊ុន សំរដ្ឋា ភេទ ប្រុស អាយុ២៩ឆ្នាំជនជាតិខ្មែរទីលំនៅផ្ទះលេខ១៥៧ផ្លូវលំ ភូមិ ទួលរកា សង្កាត់ ចាក់អង្រែក្រោម ខណ្ឌមានជ័យ ។
សមត្ថកិច្ចបានឲ្យដឹងថាកាលពីថ្ងៃទី០៣ខែ តុលាឆ្នាំ២០១៩វេលាម៉ោង៧និង៣០នាទីយប់ក្រុមជនសង្ស័យបានធ្វើសកម្មភាពលួចយកម៉ូតូមួយម៉ាក ហុងដា សេ១២៥ពណ៍ខ្មៅ ពាក់ស្លាកលេខ ភ្នំពេញ1HA-0257 ដែលជនរងចតនៅចំណុចមុខផ្ទះលេខ ១១២៥ ផ្លូវ ជាតិលេខ២ ភូមិព្រែកតានូ សង្កាត់ ចាក់អង្រែលើ ខណ្ឌមានជ័យ ។ ភ្លាមៗជនរងគ្រោះបានមកដាក់ពាក្យបណ្ដឹងដើម្បីអោយសមត្ថកិច្ចជួុយអន្តរាគមន៍ ស្រាវជ្រាវរក ។
សមត្ថកិច្ចបន្តថា លុះមកដល់ថ្ងៃទី១០ខែ តុលា ឆ្នាំ២០១៩ វេលាម៉ោង១០និង០០នាទីយប់កម្លាំង អធិការដ្ឋាននគរបាលខណ្ឌ ច្បារអំពៅ បានធ្វើការត្រួតពិនិត្យអាវុធជាតិផ្ទះ និងរឹតបណ្តឹងច្បាប់ចរាចរណ៍ នៅចំណុចផ្លូវជាតិលេខ១ សង្កាត់ ក្បាលកោះ ខណ្ឌ ច្បារអំពៅ ស្រាប់តែឃើញ ជនសង្ស័យ០២នាក់ជិះម៉ូតូ០១គ្រឿងម៉ាកហុងដាសេ១២៥ ពណ៍ខ្មៅ ពាក់ស្លាកលេខ ភ្នំពេញ1HA 0257 (គ្មានកុងទ័រ,គ្មានគំរបជ័រសងខាង) ដោយមានការសង្ស័យក៏ឃាត់ត្រួតពិនិត្យធ្វើការសាកសួរ ទើបជនសង្ស័យទាំង០២នាក់បានឆ្លើយសារភាពថា ម៉ូតូម៉ាកហុងដាសេ១២៥ ពណ៍ខ្មៅ ពាក់ស្លាកលេខ ភ្នំពេញ1HA-0257 នេះគឺពួកគេ០២នាក់ និង បក្ខពួកម្នាក់ទៀតឈ្មោះ សល់ ភេទ ប្រុស បានលួចយកកាលពីថ្ងៃទី ០៣ខែតុលាឆ្នាំ២០១៩ នៅភូមិ ព្រែកតានូ សង្កាត់ ចាក់អង្រែលើ ខណ្ឌ មានជ័យ ។
សមត្ថកិច្ចបន្តទៀតថា ក្រោយឃាត់ខ្លួនបានជនសង្ស័យនិងធ្វើកំណត់ហេតុរួចនគរបាលខណ្ឌច្បារអំពៅបានប្រគល់ជនសង្ស័យទាំង២នាក់អោយមកនគរបាលប៉ុស្តិ៍ចាក់អង្រែលើចាត់ការបន្ត ព្រោះជាម្ចាស់ករណី។
បច្ចុប្បន្ន ជនស្ស័យទាំង២នាក់ត្រូវបានសាកសួរនិងកសាងសំណុំរឿងបញ្ជួនទៅអធិការខណ្ឌមានជ័យ ចាត់ការបន្តតាមច្បាប់ ។ ចំណែកជនសង្ស័យម្នាក់ទៀតសមត្ថកិច្ចស្រាវជ្រាវតាមចាប់យកមកផ្ដន្ទាទោសតាមច្បាប់ ៕
