អតីតចៅអធិការវត្តភ្នំបាក់លើមិនអាចទទួលព្រះរាជក្រឹត្រឡើងតំណែងបាន
បន្ទាយមានជ័យ៖ នៅព្រឹកថ្ងៃទី០៧ខែមិថុនាឆ្នាំ២០១៨នេះ អតីតចៅអធិការវត្តភ្នំបាក់លើ ដែលមន្ត្រីសង្ឃទើបផ្សឹកបាន២ថ្ងៃ បន្ទាប់ពីបែកធ្លាយវីដេអូឆាន់ពោតជាមួយនារីវ័យក្មេង នៅថ្ងៃនេះលោក វណ្ណា បានបង្ហើបឲ្យដឹងថា ខ្លួនបានទទួលព្រះរាជក្រឹត្យពីព្រះមហាក្សត្រ ត្រូវដំឡើងតំណែងពីចៅអធិការទៅជាព្រះទេពសោភ័ណ តែលោកទទួលមិនបានទេ។
អន្ទិតស្រិល វណ្ណា បានបញ្ជាក់ឲ្យដឹងតាមរយៈ គណនីហ្វេសប៊ុកផ្ទាល់ខ្លួននៅថ្ងៃនេះជាមួយរូបថតព្រះរាជក្រឹត្យចុះឡាយព្រះហស្តលេខាដោយព្រះបាទនរោត្តម សីហមុនី កាលពីថ្ងៃទី ២៤ ឧសភា ឆ្នាំ ២០១៨ ថា «ថ្ងៃទី ០៧ ០៦ ២០១៨ ខ្ញុំព្រះករុណា ខ្ញុំបាទត្រូវបានតែងតាំងឡើងជាព្រះបរមងារ ព្រះទេពសោភ័ណ ព្រះរាជាគណៈថ្នាក់កិត្តិយស តែពេលនេះខ្ញុំព្រះករុណា ខ្ញុំបាទសឹកហើយមិនអាចទទួលតំណែងបានទេ អោយខ្ញុំសុំទោសញាតិញោមដោយក្តីមេត្តាផង ៕
