ជនជាតិចិនលេងមួយក្បាច់ផ្អើលសមត្ថកិច្ចមួយក្រុងភ្នំពេញ
ភ្នំពេញ៖ ជនសង្ស័យជាជនជាតិចិនម្នាក់យកដីខ្សាចដាក់ក្នុងបំពង់ភ្ជាប់ជានាឡិកាសង្ស័យថាជាគ្រាប់បែកកៃច្នៃ ដាក់ក្នុងផ្ទះលក់ គុជហឺហឺ គំរាម ម្ចាស់ហាង អោយរកបក្ខពួកគួរជម្លោះខ្លួនបង្កការភ្ញាក់ផ្អើលដល់ប្រជាពលរដ្ឋ និងកម្លាំងសមត្ថកិច្ចខណ្ឌពោធិសែនជ័យចុះអន្តរាគមន៍ ឃាត់ខ្លួនជនជាតិចិនមកធ្វើការសាកសួរនៅប៉ុស្តិនគរបាលចោមចៅ១
ហេតុការភ្ញាក់ផ្អើលនេះបានកើតឡើងកាលពីវេលាម៉ោង០៨និង៤០នាទីព្រឹកថ្ងៃទី០១ខែឧសភាឆ្នាំ២០១៩ នៅចំណុចផ្ទះជួលផ្លូវបេតុង មុខផ្សារកាណាឌីយ៉ា ផ្លូវទី៣ ក្រុម៣ ភូមិត្រពាំងថ្លឹង១ សង្កាត់ចោមចៅ១ ខណ្ឌពោធិសែនជ័យ ។
ជនសង្ស័យសមត្ថកិច្ចចាប់ខ្លួនខាងលើឈ្មោះ លីវ ជីន LIU JUN ភេទប្រុស អាយុ៣៩ឆ្នាំ កាន់លិខិតឆ្លងដែនលេខE449081127 ។
ក្រោយពីជនសង្ស័យដាក់វត្ថុមយ៉ាងសង្ស័យគ្រាប់បែកច្នៃគម្រាមម្ចាស់ហាងលក់គុជហឺហឺ ម្ចាស់ផ្ទះក្បែរខាង ភ័យស្លន់ស្លោបានរាយការទៅសមត្ថកិច្ចនគរបាលខណ្ឌពោធិសែនជ័យ ក្រោមការដឹកនាំបញ្ជាផ្ទាល់ពីលោក វរសេនីយ៍ឯក យឹម សារ៉ាន់ អធិការខណ្ឌ ចុះទៅប្រើវិធីត្រលួងលោមឲ្យជនសង្ស័យដោះ បំបែកវត្ថុទាំងនោះ ចេញពីគ្នា ហើយក៏បានចាប់ខ្លួនជនសង្ស័យតែម្តងនិងនាំខ្លួនទៅសាកសួរ និងពិនិត្យ លើវត្ថុសង្ស័យឃើញសុទ្ធតែដីខ្សាច់។
បើតាមម្ចាស់ហាងចិន បានឲ្យដឹងថា នៅវេលា ម៉ោង៨និង៤០នាទីព្រឹក ថ្ងៃ០១ ខែឧសភា ឆ្នាំ២០១៩ ជនជនសង្ស័យជិះម៉ូតូកង់បីឥណ្ឌា មានស្ពាយកាបូបផង ចូលទៅក្នុងហាងចិនខាងលើ សាកសួររកបក្ខពួករស់គេម្នាក់ឈ្មោះ តឹង ជាជនជាតិចិន តែត្រូវបាន ម្ចាស់ផ្ទះប្រាប់ថាមិនឃើញ ព្រោះឈ្មោះ តឹង ជាជនជាតិចិ គ្រាន់តែជា ម៉ូយ ភ្ញៀវ ធ្លាប់ចេញចូលទិញទំនិញនៅហាងខាងលើ ពេលនេះមិនឃើញ តែជនសង្ស័យមិនជឿ ចោទប្រកាន់ម្ចាស់ហាងចិន លាក់ ឃុតឃិតគ្នា ត្រូវបាន ជនសង្ស័យទាញយក វត្ថុម្យ៉ាង ជាគ្រាប់បែកច្នៃមានភ្ជាប់និឡិកាមួយ មកដាក់ក្នុងផ្ទះ គម្រាមម្ចាស់ហាង ដើម្បីឲ្យម្ចាស់ហាងហៅឈ្មោះ តឹង ជាគូរជម្លោះរបស់គេមក ។
ប្រតិបត្តិការត្រួតពិនិត្យវត្ថុសង្ស័យជាគ្រាប់ បែកច្នៃ នៅប៉ុស្តិ៍ចោមចៅ១ ក្រោមវត្តមាន កម្លាំងអាជ្ញាធរសុីម៉ាក កម្លាំងជំនាញ ស្នងការក្រុង កម្លាំងកងអន្តរាគមន៍ ខណ្ឌពោធិសែនជ័យ អាវុធហត្ថ និងកម្លាំងផ្សេងៗទៀតដល់ពិនិត្យជាក់ស្តែង ដុំរុំខ្ចប់ ទាំង៥ ខាងក្នុងសុទ្ធតែដីខ្សាច់ ពុំមាន ជាតិរំសេវអ្វីឡើយ និងនាឡិការោទ៍មួយ ។
តាមការសាកសួរ ជនសង្ស័យ គ្រាន់តែ យកវត្ថុទាំងនោះ ដីខ្សាច់ច្រកថង់ រុំជិត បន្លំធ្វើជាគ្រាប់បែកច្នៃ យកមកគម្រាមម្ចាស់ហាង ដើម្បីហៅ ឈ្មោះ តឹង ជាជនជាតិចិន ដែលជាគូរជម្លោះរបស់គេឲ្យមកតែប៉ុណ្ណោះ។
តែទោះជាយ៉ាងណាក្រោយពីពិនិត្យ វត្ថុដែលគេសង្ស័យទាំងនោះហើយ មិនមែនជាគ្រាប់ផ្ទះុ ជាតិរំសេវអ្វីក៏ដោយ ករណីខាងលើ ជនសង្ស័យគម្រាម បំភ័យ ម្ចាស់ហាង សមត្ថកិច្ចឃាត់ខ្លួន បន្តតាមនីតិវិធី ៕
