មកលេងកូនបាន២ថ្ងៃជិះម៉ូតូទៅផ្សារទិញរបោះរបរចេញមកវិញត្រូវរថយន្តធំបុកពីក្រោយធ្លាក់ពីលើម៉ូតូកិនបែកក្បាលស្លាប់គួរឲ្យរន្ធត់
ភ្នំពេញ៖ ស្ត្រី២នាក់ជិះម៉ូតូឌុបគ្នាចេញពីផ្សារស្ទឹងមានជ័យត្រូវរថយន្តធន់ធំបើកបុកពីក្រោយជ្រុលកិនស្ត្រីម្នាក់ស្លាប់យាងអាណោចអាធម៌ និងម្នាក់ទៀតមិនមានរបួស
គ្រោះថ្នាក់ចរាចរណ៍ដ៏រន្ធត់នេះបានកើងឡើង កាលពីវេលាម៉ោង១០នឹង៣០នាទីព្រឹកថ្ងៃទី ១២ខែ មីនាឆ្នាំ២០១៩ នៅតាមបណ្តោយផ្លូវព្រះមុនីរ៉េត ក្បែរផ្សារស្ទឹងមានជ័យថ្មី សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។
សពស្ត្រីរងគ្រោះមានឈ្មោះ អូរ សួង អាយុ៥៣ឆ្នាំ មកលែងកូននៅបុរីឡាយគង់ សង្កាត់ដង្កោ មានស្រុកកំណើតនៅខេត្តស្វាយរៀង
បើតាមសម្តីស្ត្រីជាអ្នកឌុបបានអោយដឹងថាដំបូងរូបគាត់រួមនិងស្ត្រីរង់គ្រោះបានចូលទិញសម្ភារក្នុងផ្សារស្ទឹងមានជ័យថ្មី ដើម្បីយកទៅរួមបុណ្យបន្ទាប់ពីទិញរួចរាល់ក៏បានជិះម៉ូតូមួយគ្រឿងម៉ាក TODAY ពណ៌ត្រួយចេក គ្មានស្លាកលេខ ធ្វើដំណើរតាមបណ្ដោយផ្លូវព្រះមុនីរ៉េតទិសដៅពីកើតទៅលិចខណៈមកដល់ចំណុចកើតហេតុក៏មានរថយន្តធន់ធំមួយគ្រឿងម៉ាក ហុីយ៉ាន់ដាយ ពាក់ស្លាកលេខភ្នំពេញ3E-0515 បើកបរដោយបុរសក្នុងល្បឿនលឿនមិនប្រយត្ន័ជ្រុលទៅបុកពីក្រោយបណ្តាលអោយស្ត្រីដែលជិះខាងក្រោយធ្លាក់ពីលើម៉ូតូត្រូវរថយន្តកិនបែកក្បាលធ្លាយខួរខ្ទេតពេញផ្លូវស្លាប់យ៉ាងអាណោចអាធម៌នៅនឹងចំណុចកើតហេតុ ។ ចំណែករូបខ្លួនជាអ្នកឌុបមិនមានរងរបួសនោះទេ ។
បន្ទាប់ពីកើតហេតុភ្លាមៗអ្នកបើករថយន្តរួមនឹងរថយន្តបង្កត្រូវបានសមត្ថកិច្ចឃាត់ខ្លួនយកទៅធ្វើការសាកសួរ។
ក្រោយកើតហេតុសមត្ថកិច្ចជំនាញបានចុះមកវាស់វែងយករថយន្តបង្កនឹងម៉ូតូរបស់ស្ត្រីរងគ្រោះយកទៅរក្សាទុកនៅការិយាល័យចរាចរផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំដោះស្រាយនាពេលក្រោយ ។ ចំណែកសពស្ត្រីខាងលើត្រូវសមត្ថកិច្ចធ្វើកំណត់ហេតុប្រគល់ជូនសាច់ញាតិដឹកយកទៅធ្វើបុណ្យតាមប្រពៃណីនៅស្រុកកំណើត ៕
