នគរបាលខណ្ឌទួលគោក ចាប់ឃាត់ខ្លួនជនសង្ស័យម្នាក់ជាក់ស្ដែងពីបទលួចម៉ូតូ
ភ្នំពេញ៖ ជនសង្ស័យម្នាក់ត្រូវបានកម្លាំងនគរបាលប៉ុស្តិ បឹងសាឡាង នៃអធិការនគរបាលខណ្ឌទួលគោក បានធ្វើការឃាត់ខ្លួនជាក់ស្ដែងពីបទលួច (ម៉ូតូម៉ាក Zoomer X ០១គ្រឿង) កាលពីវេលាម៉ោងប្រហែល១៣និង០០នាទី ថ្ងៃទី១២ខែធ្នូឆ្នាំ២០២០ ប្រព្រឹត្តនៅចំណុចមុខផ្ទះជួលលេខ១០៣Zផ្លូវលេខ២៥១ ក្រុមទី៤៩ ភូមិ១៤ សង្កាត់ បឹងសាឡាង ខណ្ឌទួលគោក រាជធានីភ្នំពេញ។
សមត្ថកិច្ចបានអោយដឹងថាជនសង្ស័យដែលឃាត់ខ្លួនមានឈ្មោះ ថន មករា ហៅ មករា ភេទប្រុស អាយុ៣២ឆ្នាំ ជនជាតិខ្មែរ មុខរបរ និងស្នាក់នៅមិនពិតប្រាកដ មានទីកន្លែងកំណើត ឃុំក្រោលគោ ស្រុកស្វាយជ្រុំ ខេត្តស្វាយរៀង ។
វត្ថុតាងចាប់យកមាន ៖ ដង្កាប់ដងដែកមួយ (ជារបស់ជនសង្ស័យ) និងម៉ូតូ០១គ្រឿងម៉ាក Honda Zoomer X ស៊េរី 2018 ពណ៌ស ពាក់ស្លាកលេខ ភ្នំពេញ 1HV-6448 ដែលមានលេខតួ និងលេខម៉ាស៊ីន: 5045968 (ជារបស់ជនរងគ្រោះដែលជនសង្ស័យលួច) និងបានប្រគល់ជូនជនរងគ្រោះវិញ តាមការស្នើសុំ ។
ជនរងគ្រោះមានឈ្មោះ ហែម មុន្នីចំរើន ភេទប្រុស អាយុ២៧ឆ្នាំ ជនជាតិខ្មែរ មុខរបរ លក់ដូរ ស្នាក់នៅផ្ទះជួលលេខ១០៣Z ផ្លូវ២៥១ ក្រុមទី៤៩ ភូមិ១៤ សង្កាត់បឹងសាឡាង ខណ្ឌទួលគោក រាជធានីភ្នំពេញ។
បច្ចុប្បន្ន: ជនសង្ស័យខាងលើ កំពុងឃាត់ខ្លួនជាបណ្ដោះអាសន្ន នៅអធិការដ្ឋាននគរបាលខណ្ឌទួលគោក ដើម្បីធ្វើការសារសួរ និងកសាងសំណុំរឿងចាត់ការតាមនីតិវិធីច្បាប់៕
