ឈាមស្រែកស្បែកហៅ! ចាប់បានហើយប្ដីកំណាចសម្លាប់ប្រពន្ធយកដងពូថៅញ៉ុកមាត់រួចរត់គេចខ្លួន
ភ្នំពេញ៖ បុរសជាប្តីចិត្តកំណាចសម្លាប់ប្រពន្ធរបស់ខ្លួនហើយយកដងពូថៅញ៉ុកមាត់រួចរត់គេចខ្លួនបានរយៈពេល២ថ្ងៃត្រូវនគរបាលខណ្ឌមានជ័យធ្វើការស្រាវជ្រាវចាប់ខ្លួនបានហើយកាលពីវេលាម៉ោង១១ថ្ងៃទី១៣ខែកក្កដាឆ្នាំ២០២០នេះ ។
នគរបាលប៉ុស្តិស្ទឹងមានជ័យទី១ បានបើកការស្រាវជ្រាវឃាត់ខ្លួនជនសង្ស័យនៅចំនុចភូមិទ្រាសង្កាត់ស្ទឹងមានជ័យទី១ ខណ្ឌមានជ័យពាក់ពន្ធ័និងករណីឃាតកម្មកាលពីយប់ថ្ងៃទី១១ខែកក្កដាឆ្នាំ២០២០កន្លងទៅ ។
សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនមានឈ្មោះ កែវ វណ្ណះ ភេទប្រុសអាយុ២២ឆ្នាំមុខរបររើសអេតចាយ ស្នាក់នៅដីឡូត៍ចំនុចកើតហេតុខាងលើ។
បន្ទាបពីឃាត់ខ្លួនជនសង្ស័យសមត្ថកិច្ចបាននាំមកធ្វើការសាកសួនៅប៉ុស្តិនគរបាលស្ទឹងមានជ័យទី១ នៅចំពោះមុខសមត្ថកិច្ចជនសង្ស័យបានសារភាពថារូបគេពិតជាបានយកដងពូថៅញ៉ុកចូលមាត់ប្រពន្ធរបស់ខ្លួនបណ្តាលឲ្យស្លាប់ពិតប្រាកដមែនមូលហេតុដោយព្រោះតែរូបគេឃើញប្រពន្ធរបស់ខ្លួនមានអាការៈប្រកាច់ទើបគេយកស្លាបព្រាជួយគាស់គល់ធ្គាមដោយគាស់មិនហើបទើបគេយកដងពូថៅជួយគាស់ហើយរុកញ៉ុកចូលមាត់បណ្តាលឲ្យនាងស្លាប់ឃើញដូច្នេះរូបគេភ័យពេកក៏បានរត់គេចខ្លួនតែម្តង។
បច្ចុប្បន្នជនសង្ស័យកំពុងតែឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌមានជ័យដើម្បីកសាងសុំនុំរឿងបញ្ជូនទៅកាន់តុលាការចាត់ការបន្តតាមនិតិវិធី៕
