ក្រុមគ្រូពេទ្យការរិយាល័យសុខាភិបាលនៃស្នងការដ្ឋាននគរបាលរាជធានីភ្នំពេញ ចុះបាញ់ថ្នាំសម្លាប់មេរោគនៅអធិការដ្ឋាននគរបាលខណ្ឌមានជ័យ ។
ភ្នំពេញ៖ ដោយមានការយកចិត្តទុកដាក់ជាប្រចាំពីសំណាក់ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ចំពោះសុខភាព របស់មន្ត្រីក្រោមឱវាទ ទើបនៅព្រឹកថ្ងៃទី០៧ ខែឧសភាឆ្នាំ២០២០នេះ ក្រុមគ្រូពេទ្យការរិយាល័យសុខាភិបាលនៃស្នងការដ្ឋាននគរបាលរាជធានីភ្នំពេញ បានចុះបាញ់ថ្នាំសម្លាប់មេរោគនៅបរិវេណ អធិការដ្ឋាននគរបាលខណ្ឌមានជ័យ ។
លោកវរសេនីយ៍ឯក ម៉េង វិមានតារា អធិការនគរបាលខណ្ឌមានជ័យ បានអោយដឹងថា ការចុះបាញ់ថ្នាំសម្លាប់មេរោគ របស់ក្រុមគ្រូពេទ្យការរិយាល័យសុខាភិបាលនៃស្នងការដ្ឋាននគរបាលរាជធានីភ្នំពេញ នៅបរិវេណ អធិការដ្ឋាននគរបាលខណ្ឌមានជ័យ ទើបតែលើកទីមួយដើម្បីសម្លាប់មេរោគ និងបាក់តេរីមិនល្អ ការពារការឆ្លងរាតត្បាតនៃជំងឺCovid-19 ប៉ុន្តែកន្លងមកក្រុមគ្រូពេទ្យការរិយាល័យសុខាភិបាលនៃស្នងការដ្ឋាន ធ្លាប់បានចុះមកពិនិត្យសុខភាព ចែកថ្នាំ ជួនកងកម្លាំងនគរបាលខណ្ឌមានជ័យ ផងដែរ ។
សូមជម្រាបជូនថា ក្នុងរយៈពេលដែលប្រជាពលរដ្ឋទូទៅលោកកំពុងប្រុងប្រយ័ត្ននិងការពារខ្លួនចំពោះករណីឆ្លងជម្ងឺCovid-19 នេះ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានធ្វើការផ្សព្វផ្សាយដល់កងកម្លាំងនគរបាលនិងក្រុមគ្រួសារឲ្យប្រុងប្រយ័ត្ន និងប្រតិបត្តិស្របតាមការណែនាំរបស់ក្រសួងសុខាភិបាល ហើយក្រៅពីនោះ ឯឧត្តមស្នងការបានចាត់តាំងឲ្យមន្រ្តីការិយាល័យសុខាភិបាលរបស់ស្នងការដ្ឋាន ចុះបាញ់ថ្នាំសម្លាប់មេរោគ និងបាក់តេរីមិនល្អនៅតាមទីកន្លែងបំពេញការងារនិងទីកន្លែងស្នាក់នៅរបស់កងកម្លាំងនគរបាល នៅក្នុងបរិវេណអធិការនគរបាលខណ្ឌមានជ័យ ផងដែរ ។
លោកវរសេនីយ៍ឯក ម៉េង វិមានតារា ៖ សូមបងប្អូនថែរក្សាសុខភាព និងអនាម័យ ឲ្យបានគ្រប់ៗ តាមការណែនាំរបស់ក្រសួងសុខាភិបាល ជៀសផុតពីជម្ងឺCovid-19 ៕
