ផ្ទះប្រជាពលរដ្ឋ២ខ្នងនៅខណ្ឌច្បារអំពៅត្រូវ អគ្គីភ័យឆាបឆេះអស់ទាំងស្រុង ចំថ្ងៃចូលឆ្នាំទី៣
ភ្នំពេញ ៖ អគ្គិភ័យឆាបឆេះប្រជាពលរដ្ឋអស់ចំនួន២ខ្នងនៅជាប់ផ្លូវជាតិលេខ១ ក្នុងភូមិព្រែកធំ២ សង្កាត់ក្បាលកោះ ខណ្ឌច្បារអំពៅ បង្កការភ្ញាក់ផ្អេីលដល់ប្រជាពលរដ្ឋ និងសមត្ថកិច្ចចុះអន្តរាគមន៍ កាលពីវេលាម៉ោង៥ព្រឹក ថ្ងៃទី១៥ ខែមេសា ឆ្នាំ២០២០ ។
សមត្ថកិច្ចបានឲ្យដឹងថា ម្ចាស់ផ្ទះរងគ្រោះឈ្មោះ ហៀង ណារ៉ាត់ អាយុ៣៨ឆ្នាំ មុខបរបលក់ដូរ ។
តាមសម្ដីម្ចាស់ផ្ទះរងគ្រោះបានឲ្យដឹងថា ផ្ទះរបស់គាត់មួយខ្នងបានលក់ដូរចាប់ហួយដោយផ្ទាល់ និងមួយខ្នងទៀតបានជួលឲ្យគេសម្រាប់ជួសជុលម៉ូតូ ។ ខណៈពេលកេីតហេតុ ផ្ទះរបស់គាត់បានបិតទ្វាចាក់សោរត្រឹមត្រូវដូចសព្វដងរួចក៏ទៅសម្រាកផ្ទះមួយទៀតនៅខាងក្រោយ រីឯផ្ទះជួសជុលម៉ូតូគឺមានកូនជាងស្នាក់នៅផងដែរ ។ លុះពេលកេីតហេតុ កូនជាងបានដេកលក់ស្កប់ស្កល់មិនដឹងថាមានភ្លេីងឆេះផ្ទះភ្លាមៗនោះទេ ពេលដែលក្រោកឡេីងស្រាប់តែមានភ្លេីងយ៉ាងសន្ធោសន្ធៅទៅហេីយ ទេីបនាំគ្នាផ្លោះតាមបង្អួចដេីម្បីសង្គ្រោះជីវិតខ្លួនឯង និងស្រែកប្រាប់បងប្អូនប្រជាពលរដ្ឋឲ្យជួយអន្តរាគមន៍ផងដែរ ។
ក្នុងករណីអគ្គីភ័យឆេះផ្ទះប្រជាពលរដ្ឋខាងលេីនេះ មានវត្តមានលោក ចេង មុនីរ៉ា អភិបាលខណ្ឌច្បារអំពៅ និងលោកវរសេនីយ៍ទោ ម៉ៅ សឿត អធិការនគរបាលខណ្ឌច្បារអំពៅ ដឹកនាំកម្លាំងដោយផ្ទាល់ដេីម្បីជួយអន្តរាគមន៍ និងចង្អុលបង្ហាញពីការបង្ការ ទប់ស្កាត់ករណីអគ្គីភ័យនេះ ដោយបានពន្លត់ចប់ម៉ោង៦.00នាទីព្រឹកថ្ងៃដដែល ។ ចំពោះមូលហេតុគឺបណ្ដាលមកពីទុសេខ្សែរភ្លេីង ធ្វេីឲ្យខូចខាតទំហំផ្ទះ8.50+8.80ស្ទេីទាំងស្រុង និងម៉ូតូ២គ្រឿង.ទូទឹកកកចំនួន២គ្រឿង.ព្រមទាំងភេសជ្ជៈលក់ដូរមួយចំនួនទៀត.ដោយប្រើប្រាស់អស់ទឹក៤ឡាន៕
