វាយប្លន់យកម៉ូតូ២០២០ពីយុវជនពីរនាក់បានសម្រេច រួចនាំគ្នាទៅសំងំលាក់ខ្លួនក្នុងផ្ទះសំណាក់យីហោ (៣៤២ )ត្រូវសមត្ថកិច្ចចាប់វាយខ្នោះមួយសំបុក
ភ្នំពេញ៖ ជនសង្ស័យមួយក្រុមជិះម៉ូតូដេញវាយយុវជន២នាក់ប្លន់ យកម៉ូតូហុងដាឌ្រីម២០២០ បានសម្រេចរួចនាំគ្នាជិះទៅលាក់ខ្លួននៅផ្ទះសំណាក់ (៣៤២) មុខផ្សារ សុវណ្ពា តេក្រោយមកត្រូវសមត្ថកិច្ចស្រាវជ្រាវចាប់បាន៦នាក់
ហេតុការណ៍នេះបានកើតឡើងកាលវេលាម៉ោង១០និង៣០យប់ថ្ងៃទី២១ខែកម្ភៈ ២០២០នៅចំណុចគល់ស្ពានអាកាសក្បាលថ្នល់តាម បណ្ដោយផ្លូវព្រះរោត្តម ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
យុវជនរងគ្រោះមានឈ្មោះ ឈិន សំណាង ភេទប្រុស អាយុ២១ឆ្នាំ មុខរបជាងឈើ ស្នាក់ នៅបឹងត្របែក ខណ្ឌចំការមន។ មានស្រុកកំណើតនៅស្រុកខ្សាច់កណ្ដាល ខេត្តកណ្ដាល ហើយម៉ូតូដែលជនសង្ស័យវាយប្លន់យកទៅម៉ាកហុងដា ឌ្រីមសង់ ពណ៌ខ្មៅ ស៊េរីឆ្នាំ២០២០ ពាក់ស្លាកលេខ កណ្តាល1AH-9763 ។
យោងតាមសម្ដីជនរងគ្រោះបានឲ្យដឹងថា មុនពេលកើតហេតុ ខ្លួននិងមិត្តភក្គ័៦ទៅ៧នាក់បានចូលផឹកសុីនៅក្នុងហាងផឹកសុីមួយកន្លែងបន្ទាប់មករូបគេនិងមិត្តភក្គ័ម្នាក់បានជិះម៉ូតូចេញមកមុន ដោយធ្វើដំណើរតាមបណ្ដោយផ្លូវព្រះនរោត្ដមទិសដៅពីជើងទៅត្បូង ខណៈមកដល់ចំណុចស្តុបចំការមនស្រាប់តែជនសង្ស័យមួយក្រុមមានគ្នា៦នាក់បានជិះម៉ូតូ៣គ្រឿងមកដេញវាយ រហូតដល់ចំណុច គល់ស្ពានអាកាសក្បាលថ្នល់ខ្លួនបានដួលម៉ូតូ ។ ជនរងគ្រោះបន្តថា ខណៈដែលដួលម៉ូតូនោះខ្លួននិងមិត្តភក្គ័ភ័យពេកក៏បាននាំគ្នារត់ចោលម៉ូតូ ធ្វើអោយក្រុមជនសង្ស័យឃើញឱកាសល្អក៏បានលើកម៉ូតូរបស់ខ្លួនជិះគេចបាត់ស្រមោល ។
បន្ទាប់ពីកើតហេតុជនរងគ្រោះកបានទៅដាក់ពាក្យបណ្ដឹងនៅប៉ុស្តិ៏នគរបាលរដ្ឋាលទន្លេបាសាក់ ដើម្បីឲ្យសមត្ថកិច្ចជួយអន្តរាគមន៏ ស្វែងរកម៉ូតូរបស់ខ្លួន សមត្ថកិច្ចក្រោយទទួលបណ្ដឹងភ្លាមបានស្រាវជ្រាវនិងកំណតមុខសញ្ញា និងឈានទៅដល់ចាប់ក្របួចបានទាំងសំបុកនៅក្នុងផ្ទះសំណាក់ យីហោ៣៤២ចំណុចមុខផ្សារ សុវណ្ពា បាន៤នាក់និងតាមចាប់បានជាបន្តបន្ទាប់បាន២នាក់ទៀត។
សមត្ថកិច្ចបានអោយដឹងថាជនសង្ស័យដែលឃាត់ខ្លួនរួមមាន៖ ទី១-មានឈ្មោះ ទូច ឃួន ភេទប្រុស អាយុ១៩ឆ្នាំ
ទី២-មានឈ្មោះ សើរ កដ្ដា ភេទប្រុស អាយុ១៥ឆ្នាំ
ទី៣-មានឈ្មោះសើរ ចាន់ដារ៉ា ភេទប្រុស អាយុ១៦ឆ្នាំ
ទី៤-ឈ្មោះ ចន្ថា វិឆ្ឆិកា ភេទប្រុស ១៧ឆ្នាំ
ទី៥-មានឈ្មោះ នន រតនា ភេទប្រុសអាយុ២២ឆ្នាំ
ទី៦-មានឈ្មោះ សុខា វីរៈបុត្រ ភេទប្រុស អាយុ១៩ឆ្នាំ ចំណែកវត្ថុតាងចាប់យកមានម៉ូតូជិះធ្វើសកម្មភាពចំនួន៣គ្រឿងទី១ម៉ាកហុងដា ស៊េរីឆ្នាំ២០១៩ ពណ៌ខ្មៅ ពាក់ស្លាកលេខកំពង់ចាម1T-1445 ។
ទី២ម៉ាកហុងដាឌ្រីមសង់ ពណ៌ខ្មៅ ពាក់ស្លាកលេខ កំពង់ចាម1D-9549និងមួយគ្រឿងទៀតមិនចាំស្លាកលេខ ។
បច្ចុប្បន្ន ជនសង្ស័យទាំង៦នាក់រួមទាំងវត្ថុងត្រូវបានសមត្ថកិច្ចកសាងសំណុំរឿងបញ្ជួនទៅអធិការដ្ឋានខណ្ឌចំការមន ដើម្បីចាត់ការបន្តតាមនិតិវិធីច្បាប់៕
