នគរបាលស្រុកសំពៅលូន ឃាត់ខ្លួនជនសង័្សយ២នាក់២ករណីផ្សេងគ្នា
បាត់ដំបង ៖ កម្លាំងនគរបាល នៃអធិការដ្ឋាននគរបាលស្រុកសំពៅលូន បានធ្វើការឃាត់ខ្លួនជនសង្ស័យចំនួន២នាក់ក្នុងករណីបទល្មើស២ផ្សេងគ្នា ៖ ប្រតិបត្តិការណ៍បង្ក្រាបនិងឃាត់ខ្លួនជនសង្ស័យនេះបានធ្វើឡើងកាលពីថ្ងៃទី២៨ខែមករាឆ្នាំ២០២០ ដែលដឹកនាំកម្លាំងដោយ លោកវរសេនីយ៍ឯក ពេជ្រ សារ៉ែន អធិការនគរបាលស្រុកសំពៅលូន។
សមត្ថកិច្ចបានអោយដឹងថា ករណីទី១/កម្លាំងនគរបាល នៃអធិការដ្ឋាននគរបាលស្រុកសំពៅលូនបានសហការជាមួយកម្លាំងប៉ុស្តិ៍នគរបាលរដ្ឋបាលតាស្ដាបង្ក្រាប ករណីកែច្នៃកាន់កាប់អាវុធខុសច្បាប់ ៖ ដោយឃាត់ខ្លួនជនសង្ស័យម្នាក់ មានឈ្មោះ វួន សារួន ភេទប្រុស អាយុ ៣៣ឆ្នាំ មានទីលំនៅ ភូមិថ្នល់បត់ ឃុំសំពៅលូន ស្រុកសំពៅលូន ខេត្តបាត់ដំបង និងដកហូតវត្ថុតាង អាវុធខ្លីកែច្នៃបាញ់គ្រាប់ពិត០១ដើម,គ្រាប់កាំភ្លេីងអាកា47ចំនួន១១គ្រាប់, រំសេវមួយកូនកំប៉ុងជ័រ និងទូរស័ព្ទដៃ១គ្រឿង ( ឃាត់ខ្លួន) នៅវេលាម៉ោង០២និង៥នាទីរសៀលថ្ងៃទី២៨ខែមករាឆ្នាំ២០២០ នៅចំណុចភូមិវាលវង់ឃុំតាស្តា ស្រុកសំពៅលូន ខេត្តបាត់ដំបង ។
ករណីទី២/ កម្លាំងនគរបាល នៃអធិការដ្ឋាននគរបាលស្រុកសំពៅលូន បានបង្ក្រាបករណីជួញដូរនិងចែកចាយគ្រឿងញៀន ឃាត់ខ្លួនជនសង្ស័យម្នាក់ ឈ្មោះ អួន ណុប ភេទប្រុស អាយុ៣៤ឆ្នាំមានទីលំនៅភូមិវាលវង់ ឃុំតាស្តា ស្រុកសំពៅលូន ខេត្តបាត់ដំបង ( ឃាត់ខ្លួន ) នៅវេលាម៉ោង០២និង៣០នាទីរសៀលថ្ងៃទី២៨ខែមករាឆ្នាំ២០២០ នៅចំនុចភូមិវាលវង់ ឃុំតាស្តា ស្រុកសំពៅលូនខេត្តបាត់ដំបង ។ ដកហូតវត្ថុតាងរួមមាន ៖ ថ្នាំញៀនប្រភេទម៉េតំហ្វេតាមីនម៉ាទឹកកក ICE ចំនួន ០១កូនថង់ (មិនទាន់ថ្លឹងទម្ងន់), ជញ្ជីងសម្រាប់ថ្លឹងគ្រឿងញៀន ០១គ្រឿង, ទូរស័ព្ទដៃ ០១គ្រឿងប្រាក់រៀល ចំនួន ២,៣៣៩,០០០រៀល, ប្រាក់បាតថៃ ២២,៥៣០បាត,ប្រាក់ដុល្លាអាមេរិក១៧៥ដុល្លារ កូនកាំបិតច្នៃ ចំនួន ០៣, កូនពូថៅ ចំនួន ០២, ម៉ូទ័រឆក់ត្រី ចំនួន ០១, អាវុធកែច្នៃ បាញ់គ្រាប់កង់ ចំនួន ០៣ដើម, ម៉ូទ័រកាត់ ០១, ម៉ូទ័រស្វាន០១ព្រមទាំងសម្ភារៈសម្រាប់ប្រើប្រាស់គ្រឿងញៀនមួយចំនួន។
បច្ចុប្បន្ន ជនសង្ស័យទាំង០២នាក់ រួមជាមួយនិងវត្ថុតាង ត្រូវបាននគរបាលកសាងសំណុំរឿងដើម្បីបញ្ជូនទៅកាន់ការិយាល័យជំនាញ ចាត់ការបន្តទៅតាមផ្លូវច្បាប់៕
