តាមពិតជនដៃដល់ជាឃាត់.ក គឺជាសង្សារបស់រងគ្រោះ
ស្វាយរៀង៖ កាលពីវេលាម៉ោង៦ព្រឹកថ្ងៃទី២២ខែវិច្ឆិកាឆ្នាំ២០១៩ មានហេតុការណ៍ភ្ញាក់ផ្អើល បន្ទាប់ពីប្រទះឃើញ កម្មការិនីរោងចក្រTYម្នាក់ត្រូវបានជនសង្ស័យអា.កស្លាប់យ៉ាងព្រៃផ្សៃគួរឲ្យរន្ធត់ នៅចំណុចភូមិដើមពោធិ៍ ឃុំកណ្ដៀងរាយ ស្រុកស្វាយទាប ខេត្តស្វាយរៀង។
សមត្ថកិច្ចបានដឹងថា ជនរងគ្រោះមានឈ្មោះ ឃឹម ភីសា ភេទស្រី អាយុ ២៥ឆ្នាំ មុខរបរកម្មការនីរោងចក្រ បម្រើការងារនៅក្នុងរោងចក្រខាងលើមានតួនាទីជា«QC» ជាស្ត្រីមេម៉ាយកូនមួយ បានបែកបាក់គ្នាជាមួយប្ដីប្រហែលមួយឆ្នាំ រស់នៅភូមិឈើទាល ឃុំឈើទាល ស្រុកស្វាយជ្រំ ខេត្តស្វាយរៀង ។
សមត្ថកិច្ចជំនាញបានកំណត់មុខសញ្ញា ជនដៃដល់ជាឃាត.កបានហើយ ដោយជន សង្ស័យរូបនោះមានឈ្មោះ នាងក្រឹម អាយុ២៤ឆ្នាំ រស់ក្នុងភូមិព្រៃគាវ ឃុំកំពង់ចក ស្រុករំដួលខេត្តស្វាយរៀង អ្នកទាំង២ជាសង្សាហើយសមត្ថកិច្ចសន្និដ្ឋានជំហានដំបូងថាករណីនេះកើតចេញពីភ្លើងប្រច័ណ្ឌ ទើបឈានទៅដល់ការអា.កសម្លាប់ជនរងគ្រោះ មកពីឪពុកម្ដាយខាងស្រីមិនអោយរៀបការជាមួយគ្នា ហើយពេលនេះសមត្ថកិច្ចកំពុងស្រាវជ្រាវតាមចាប់ខ្លួនយកមកផ្ដន្ទាទោសតាមផ្លូវច្បាប់ ៕
