សមត្ថកិច្ចបង្ក្រាបចោរជនជាតិចិនបាន២នាក់ជំនាញគាស់ផ្ទះលួចទ្រព្យសម្បត្តិ ក្រោយលួចកាច់សោរ.កម៉ូតូ នៅខេត្តសៀមរាប
ភ្នំពេញ)៖ កម្លាំងនគរបាលព្រហ្មទណ្ឌកម្រិតស្រាល ក្រសួងមហាផ្ទៃ បង្ក្រាបចោរជនជាតិចិន២នាក់ ជំនាញខាងគាស់ផ្ទះ លួចទ្រព្យសម្បត្តិនិងលួចម៉ូតូ ឡាន
ប្រតិបត្តិការបង្ក្រាបនេះ បានធ្វើឡើងកាលពីរសៀលថ្ងៃទី១៨ខែវិច្ឆិកាឆ្នាំ២០១៩ នៅចំនុចផ្លូវជាតិលេខ៦ ស្រុកពញាឮ ខេត្តកណ្ដាល។
ក្រោយជនសង្ស័យធ្វើសកម្មភាពលួច កាច់សោករម៉ូតូ ប្រជាពលរដ្ឋ ពីខេត្តសៀមរាប ហើយរត់គេចខ្លួនមកភ្នំពេញ ។
សមត្ថកិច្ចបានឲ្យដឹង នៅព្រឹកថ្ងៃទី១៩ខែវិច្ឆិកាឆ្នាំ២០១៩នេះថា មុនឈានដល់ការបង្ក្រាប កម្លាំងនាយកដ្ឋាននគរបាលព្រហ្មទណ្ឌ បានទទួលព័ត៌មានថា មានករណីកាច់សោករម៉ូតូ មកពីខេត្តសៀមរាប ដែលជនសង្ស័យធ្វើសកម្មភាព ជាជនជាតិចិន ២នាក់ ទើបលោក វរសេនីយ៍ទោ ប៊ុត វណ្ណរដ្ឋ នាយរងការិយាល័យ ចុះស្ទាក់នៅច្រកចូលរាជធានីភ្នំពេញ និងបង្ក្រាបបានតែម្ដង។
សមត្ថកិច្ចបន្តថា ជនសង្ស័យដែលឃាត់ខ្លួនចំនួន២នាក់ជាជនជាតិចិន ទី១៖ មានឈ្មោះ លាំង ហិន អាយុ៣២ឆ្នាំ មុខរបរ មិនពិតប្រាកដ និងទី២៖ឈ្មោះ WEI JUNZHI អាយុ៣២ឆ្នាំ មុខរបរមិនពិតប្រាកដ។
សម្ភារដកហូតរួមមាន ៖ ម៉ូតូ០១គ្រឿង ម៉ាកហុងដា ឃ្លីក ផលិតឆ្នាំ២០១២ គ្មានស្លាកលេខ (របស់ជនរងគ្រោះ)សោកាច់ក ចំនួន៣គ្រាប់ ដង០១, អាគុយ០១, ម៉ាស៉ីនមិនស្គាល់ម៉ាកប្រើអគ្គីសនី ចំនួន០១ មានដង០២ (សម្រាប់រកលោហៈធាតុក្នុងទូកដេក), កាត១២កាត, ដែកត្បែង០៦កំណាត់ អាចតបញ្ជូលគ្នាបានសម្រាប់គាស់ផ្ទះ, ម៉ាស៉ីនឆូតកាត ចំនួន០១, លិខិតឆ្លងដែនឈ្មោះWEI JUNZHI ០១ក្បាល និងសម្ភារពាក់ព័ន្ធមួយចំនួនទៀត។
សមត្ថកិច្ច បានបញ្ជាក់ថា យោងតាមសម្ភារដកហូតខាងលើ កម្លាំងជំនាញនាយកដ្ឋាននគរបាលព្រហ្មទណ្ឌ បានសន្និដ្ឋានថា ជនជនសង្ស័យខាងលើក្រៅពីធ្វើសកម្មភាពកាច់កម៉ូតូ គឺធ្វើសកម្មភាពគាស់ផ្ទះ និងលួចរថយន្ត។ បន្ទាប់ពីបញ្ចប់ការសាកសួរជនសង្ស័យទាំង២នាក់ត្រូវបានប្រគល់ជូនកម្លាំងជំនាញនៃស្នងការដ្ឋាននគរបាលខេត្តសៀមរាប ចាត់ការបន្ដ ព្រោះជាម្ចាស់ករណី៕
