រន្ធត់ណាស់! ឆេះផ្ទះជាង១០ខ្នងឆក់យកជីវិតមនុស្សឆេះខ្លោចក្នុងអណ្ដាតភ្លើង
បន្ទាយមានជ័យ៖ រថយន្តកាមរីឆ្លាមបុកគ្នាជាមួយម៉ូតូកង់បីរេចង្កូតទៅបុកធុងបញ្ចូលហ្គាស់ រថយន្តនៅក្នុងផ្ទះបណ្ដាលឲ្យផ្ទុះ ឆាបឆេះយ៉ាងសន្ធោសន្ធៅ និងបន្ត រាលដាលឆេះផ្ទះប្រជាពលរដ្ឋអស់ជាច្រើនខ្នង
ហេតុការណ៍គួរឲ្យរន្ធត់នេះបានកើតឡើងកាលពីវេលាម៉ោង១១និង៣០នាទីយប់ថ្ងៃទី១៤ខែតុលាឆ្នាំ២០១៩ ចំនុចមុខសាលាចិនភូមិគីឡូម៉ែត្រលេខ៤សង្កាត់ផ្សារកណ្តាលក្រុងប៉ោយប៉ែត ខេត្តបន្ទាយមានជ័យ ។
សមត្ថកិច្ចបានឲ្យដឹងថា ហេតុការណ៍គ្រោះអគ្គីភ័យនេះ បង្កឡើងដោយរថយន្តនិងម៉ូតូកង់បីបុកគ្នាហើយជ្រុលទៅបុកចូលផ្ទះប្រជាពលរដ្ឋនិងបុកធុងបញ្ចូលហ្គាស់ឡានបណ្ដាលឲ្យផ្ទុះឆេះតែម្ដង ភ្លាមៗនោះកម្លាំងសមត្ថកិច្ចបានចេញរថយន្ត ពន្លត់អគ្គីភ័យ ជួយអន្តរាគមន៍បាញ់ពន្លត់រហូតដល់ម៉ោង២រំលងអាធ្រាតឈានចូលថ្ងៃទី១៥ខែតុលាឆ្នាំ២០១៩ ទើបរលត់ទៅវិញទាំងស្រុង តែផ្ទះប្រជាពលរដ្ឋជាង១០ខ្នាងត្រូវអគ្គីភ័យបំផ្លាញគ្មានសល់ ។
សមត្ថកិច្ចបន្តថា ចំពោះទំហំនៃការខូចខាតនិងអ្នករងរបួសនៅមិនទាន់ដឹងច្បាស់នៅឡើយទេតែដឹងថាមានអ្នកស្លាប់ម្នាក់សង្ស័យជាអ្នកបើកបរ រថយន្តឆ្លាម ៕
