ហ្គេមបាញ់ត្រីនៅមុខសាលាជាសុីមសាមគ្គីសង្កាត់ស្ទឹងមានជ័យ១ផ្គើននិងបទបញ្ជាលោកស្នងការរាជធានីភ្នំពេញ
ភ្នំពេញ៖ បើទោះបីជាពេលថ្មីៗកន្លងទៅនេះលោក ស ថេត ស្នងការនគរបាល រាជធានីភ្នំពេញ បានដាក់ចេញនូវបទបញ្ជាឲ្យកម្លាំងសមត្ថកិច្ច គ្រប់ខណ្ឌនៅក្នុងរាជធានីភ្នំពេញ ត្រូវតែបង្ក្រាបហ្គេមបាញ់ត្រីអោយអស់យ៉ាងណាក៏ដោយ ក៏នៅតែមានទីតាំងហ្គេមបាញ់ត្រីដដែល ៖ ជាក់ស្ដែងទីតាំងហ្គេមបាញ់ត្រីមួយកន្លែងនៅក្បែមាត់ប្រឡាយទឹកស្អុយខាងមុខផ្ទះសំណាក់ ស្ទឹងលាភ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ កំពុងតែបើកលេងយ៉ាងរលូនធ្វើរំភើយមិនខ្វល់ ហើយមិនខ្លាច បទបញ្ជារបស់លោកស្នងការនគរបាល រាជធានីភ្នំពេញឡើយពិតជាមិនធម្មតាមែន សង្ស័យតែម្ចាស់ទីតាំងនេះមានឥទ្ធិពលខ្លាំងជាងលោកស្នងការហើយមើលទៅ បានជា អាជ្ញាធរនិងសមត្ថកិច្ចមិនហ៊ានទៅបង្ក្រាប ។ 
