រថយន្តពីគ្រឿងបុកគ្នានៅកំណាត់ផ្លូវជាតិលេខ៤ បណ្ដាលឲ្យអ្នកជិះក្នុងរថយន្តរបួសធ្ងន់និងស្រាល៤នាក់
ព្រះសីហនុ៖ គួរឲ្យរន្ធត់ណាស់ រថយន្តពីរគ្រឿងបុកគ្នាពេញទំហឹងបណ្តោលអោយមនុស្សដែលជិះក្នុងរថយន្តទាំងពីរគ្រឿងរងរបួសធ្ងន់និងស្រាល រីឯរថយន្តរងការខូតខាតទាំងសងខាង ៖ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលា ម៉ោង០៩និង៥០នាទីព្រឹកថ្ងៃទី៣០មីនា២០២០ នៅតាមបណ្ដោយផ្លូវជាតិលេខ៤ចន្លោះគីឡូម៉ែត្រ១៤៩-១៥០ ស្ថិតក្នុងឃុំស្ទឹងឆាយ ស្រុកកំពង់សីលាខេត្តព្រះសីហនុ ។
សមត្ថកិច្ចបានអោយដឹងថា រថយន្តបែនដឹកដី ពាក់ស្លាក លេខខេមរៈភូមិន្ទ 05-3-1968 ធ្វើដំណើតទិសដៅពី (ខេត្តព្រះសីហនុ-ភ្នំពេញ) បើកបរដោយបុរសម្នាក់មានឈ្មោះ ភួន ភិន អាយុ៤៧ឆ្នាំ ភេទប្រុស មានទីលំនៅ ភូមិក្រាំងខ្ចាយ ឃុំតាំងខ្ចារ ស្រុកភ្នំស្រួច ខេត្តកំពង់ស្ពឺ (រងរបួសធ្ងន់) ប្រពន្ធឈ្មោះ ញ៉ែម សាវ៉ាង អាយុ៤៥ឆ្នាំ(រងរបួសស្រាល)។
ឯរថយន្តមួយគ្រឿងទៀត ពាក់ស្លាកលេខ ភ្នំពេញ2AP-2219ធ្វើដំណើរបញ្ច្រាសទិសគ្នាបើកបរដោយបុរសឈ្មោះ អាន លីហៀង ភេទប្រុសអាយុ២៤ឆ្នាំ រស់នៅភ្នំពេញ (រងរបួសស្រាល) ហើយអ្នកដែលរួមដំណើរ ឈ្មោះ ចាន់ ថាខឹម ភេទប្រុស អាយុ១៨ឆ្នាំ រស់នៅភូមិប៉ោតាសេក ឃុំបឹងព្រីង ស្រុកថ្មគោល ខេត្តបាត់ដំបង (រងរបួសធ្ងន់) ។
បន្ទាប់ពីកើតហេតុការណ៍ កម្លាំងអាវុធហត្ថស្នាក់ការ សន្តិសុខ ៤០២ សហការជាមួយកម្លាំងរបស់អធិការដ្ឋាននគរបាលស្រុកកំពង់សីលា ជួយសម្រួលសណ្តាប់ធ្នាប់ចរាចរណ៍ និងជួយសង្ត្រោះជនរងគ្រោះនាំយកទៅមន្ទីរពេទ្យបង្អែកស្រុកស្រែអំបិល ។
ក្រោយមកសមត្ថកិច្ចជំនាញធ្វើការវាសវែងយករថយន្តទាំងពីរគ្រឿងទៅរក្សាទុកនៅអធិការដ្ឋាន នគរបាលស្រុកកំពង់សីលារងចាំដោះស្រាយនៅពេលក្រោយ ៕
