ខ្ទើយដែលជេរប្រមាថជាតិសាសន៍ខ្មែរជាសាធារណៈតាមបណ្តាញសង្គមហ្វេសប៊ុកត្រូវសមត្ថកិច្ចចាប់ខ្លួនហើយ
ភ្នំពេញ៖ កម្លាំងសមត្ថកិច្ចខណ្ឌដូនពេញបានធ្វើការស្រាវជ្រាវនិងចាប់ឃាត់ខ្លួន ខ្ទើយដែលជេរប្រមាថខ្មែរ ៖ ហេតុការណ៍ឃាត់ខ្លួននេះបានធ្វើឡើងកាលពីវេលាម៉ោង០៨និង១០នាទីយប់ថ្ងៃទី០៥ខែកុម្ភះឆ្នាំ២០១៩ នៅចំណុចហាងមួយកន្លែង ស្ថិតក្នុងសង្កាត់ជ័យជំនះ ខណ្ឌដូនពេញ ។
សមត្ថកិច្ចបានអោយដឹងថា ក្រោយពីទទួលបានព័ត៌មានពាក់ព័ន្ធករណីជេរប្រមាថជាសាធារណៈបណ្តាលឱ្យប៉ះពាល់ដល់សង្គមជាតិ ពីសំណាក់ម្ចាស់គណនីបណ្តាញសង្គមហ្វេសប៊ុក ឈ្មោះ ចំប៉ីខ្មៅ រួចមក រដ្ឋបាលខណ្ឌដូនពេញ ក្រោមការដឹកនាំរបស់លោក សុខ ពេញវុធ អភិបាលនៃគណៈអភិបាលខណ្ឌដូនពេញ បានបញ្ជាឲ្យកម្លាំងជំនាញ ចុះធ្វើការស្រាវជ្រាវ និងឈានដល់ការឃាត់ខ្លួនជនសង្ស័យឈ្មោះ យិន ហេង ហៅចំប៉ីខ្មៅ ភេទប្រុស នៅចំណុចហាងមួយកន្លែង ស្ថិតក្នុងសង្កាត់ជ័យជំនះខណ្ឌដូនពេញក្បែព្រះបរមរាជវាំង។
បច្ចុប្បន្ន ជនសង្ស័យ្រូវបានឃាត់ខ្លួននិងសាកសួរតាមនីតិវិធី នៅអធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងបញ្ជួនទៅតុលាការចាត់ការបន្ត ៕
