បុរសម្នាក់សង្ស័យប្រេីប្រាស់ថ្នាំញៀនលេីសកម្រិត រួចដេីរតាមផ្លូវទៅគប់ឡានគេឯងត្រូវសមត្ថកិច្ចឃាត់ខ្លួន
ភ្នំពេញ៖ ដោយឃេីញស្ថានភាពជាក់ស្ដែងដែលបុរសម្នាក់សង្ស័យប្រេីប្រាស់គ្រឿងញៀនលេីសកម្រិត ហេីយដេីរគប់រថយន្តរបស់ប្រជាពលរដ្ឋកំពុងធ្វេីដំណេីរនិងបង្កការកកស្ទះចរាចរណ៍ផងនោះ កម្លាំងសមត្ថកិច្ចប្រចាំការនៅអតីតស្ពានដែកចំការដូង បានធ្វេីការឃាត់ខ្លួនភ្លាមៗកាលពីវេលាម៉ោង៣ និង២០នាទីរសៀល ថ្ងៃទី២២ ខែមករា ឆ្នាំ២០២១ រួចទាក់ទងសមត្ថកិច្ចប៉ុស្ដិ៍នគរបាលរដ្ឋបាល ដង្កោ ដេីម្បីយកទៅសួរនាំនិងចាត់ការតាមនីតិវិធី ។
បុរសខាងលេីមិនស្គាល់អត្តសញ្ញាណនោះទេ មុខរបបនិងស្នាក់នៅមិនពិតប្រាកដ ព្រមទាំងមានអត្តចរិកជាមនុស្សបែកថ្នាំ ។
បេីតាមសម្ដីមន្ត្រីចរាចរណ៍ដែលប្រចាំការនៅគោលដៅអតីតស្ពានដែកចំការដូងបានប្រាប់ថា ដំបូងពួកគាត់ឃេីញបុរសខាងលេីដេីរចុះឡេីងនៅតំបន់នោះ ព្រមទាំងដៃកាន់ដុំថ្ម និងសំបកដូង ទៅកប់ឡានប្រជាពលរដ្ឋកំពុងធ្វេីដំណេីរតាមផ្លូវ តែមិនបង្កឲ្យខូចខាតធ្ងន់ធ្ងរនោះទេ ឃេីញដូច្នេះកម្លាំងសមត្ថកិច្ចគាត់ក៏ធ្វេីការឃាត់ខ្លួនភ្លាមៗរួចទាក់ទងទៅសមត្ថកិច្ចមូលដ្ឋានឲ្យមកទទួលដេីម្បីយកទៅសួរនាំ និងចាត់ការតាមនីតិវិធី ។
ក្រោយមក សមត្ថកិច្ចមូលដ្ឋានប៉ុស្ដិ៍រដ្ឋបាលដង្កោ បានចុះមកដល់ហេីយដឹកបុរសសង្ស័យតែបែកថ្នាំខាងលេីយកទៅឃុំខ្លួនបណ្ដោះអាសន្ន រង់ចាំចាត់ចែងតាមនីតិវិធីពេលក្រោយ ៕
