ពលរដ្ឋ២ភូមិនៅខណ្ឌឫស្សីកែវ សុំឲ្យអាជ្ញាធរ ជួយសម្រួលផ្លូវលេខ៩៣ ដែលពិបាកធ្វេីដំណេីរពេលមានភ្លៀងជន់លិចរាប់ម៉ោង
ភ្នំពេញ៖ ប្រជាពលរដ្ឋរស់នៅតាមបណ្ដោយផ្លូូវ៩៣ ចំនួន២ភូមិគឺភូមិចុងខ្សាច់និងភូមិផ្សារតូច កំពង់រងផលប៉ះពាល់យ៉ាងខ្លាំង ខណៈដែលរដូវវស្សាមកដល់មានភ្លៀងធ្លាក់ជារៀងរាល់ថ្ងៃ បណ្ដាលអោយទឹកលិចផ្លូវជាច្រេីនម៉ោង សូម្បីតែមានភ្លៀង១ម៉ោង ទឹកដក់លេីងផ្លូវជំរៅត្រឹមជង្គង់ យ៉ាងហោចណាស់ក៍៨ម៉ោងទៅ៩ម៉ោងដែរទេីបហូរអស់ ដែលជាហេតុធ្វេីអោយពួកគាត់ពិបាកក្នុងការធ្វេីដំណេីរ ជាពិសេសកូនចៅតូចៗ ត្រូវបញ្ឈរនិងជំងឺផ្សេងៗ ហេីយមានផ្ទះខ្លះត្រូវលិចទឹកមួយយប់ទល់ភ្លឺក៍មានដែរ។
ប្រជាពលរដ្ឋបានបន្ថែមទៀតថា បញ្ហានេះមិនមែនទេីបតែកេីតនោះទេ គឺមានយូរណាស់មកហេីយ អោយតែមានភ្លៀងធ្លាក់ ផ្ទះពួកគាត់ដែលនៅជាប់និងផ្លូវ៩៣ដែលស្ថិតក្នុងសង្កាត់ទួលសង្កែរ១ខណ្ឌឬស្សីកែវ ជួបបញ្ហាខ្លាំងដូចជាម៉ូតូនិងរថយន្តដែលគាត់ធ្វេីដំណេីរបេីកយឺតអាចរលត់ម៉ាសុីន តែបេីបេីកលឿន កំពស់ទឹកអាចសាចចូលផ្ទះប្រជាពលរដ្ឋដែលពួកគាត់រស់នៅអមសងខាងផ្លូវ កេីតជាបញ្ហា។
ជាចុងក្រោយ ប្រជាពលរដ្ឋទាំងពីភូមិសូមណូមពរ ដល់ លោកអភិបាលខណ្ឌឫស្សីកែវ មេតាជួយសម្រួលប្រព័ន្ធលូ អោយពួកគាត់បានធ្វេីដំណេីរស្រួលផង ជាពិសេសលោកអភិបាលរាជធានីតែម្ដង ពួកគាត់ទាំងអស់គ្នាសង្ឃឹមថា លោកអភិបាល និងគិតគូរដល់ប្រជាពលរដ្ឋដែលជួបការលំបាក៕
