រន្ធត់ណាស់! តៃកុងរថយន្តដឹកដីម្នាក់លូនជួសជុលរថយន្ត ត្រូវ អេស្កាវទ័រ កាយរណ្ដៅដីក្រុមហ៊ុនសៀងហៃ រុញរថយន្តកិនស្លាប់គួរឲ្យសង្វេក
កណ្តាល៖ អាសូរណាស់ បុរសម្នាក់ដែលជាតៃកុងរថយន្តដឹកដីបានស្លាប់យ៉ាងអាណោច អធម៌ ខណៈដែររថយន្តខូច ហើយបានលូនជួសជុលក្រោមរថយន្ត តែត្រូវបានតៃកុង អេស្កាវទ័រ កាយដីរបស់រណ្ដៅដីក្រុមហ៊ុនសៀងហៃ ធ្វេសប្រហែស បានបើកអេស្កាវទ័រ មករុញរថយន្ត បណ្ដាលអោយរថយន្តកិន បុរសជា តៃកុងរថយន្តដឹកដី ស្លាប់នៅក្រោមរថយន្តយ៉ាងអាណោចអាធ័ម
ហេតុការណ៍គួរអោយរន្ធត់នេះបានកើតឡើងកាលពីវេលាម៉ោង០៦និង៣០នាទីព្រឹកថ្ងៃទី២០ ខែមេសា ឆ្នាំ២០២០ នៅចំណុចរណ្ដៅដីរបស់ក្រុមហ៊ុន(សៀងហៃ) ស្ថិតក្នុងភូមិ រោងគោ ឃុំទ្រាស្រុកកណ្ដាលស្ទឹង ខេត្តកណ្ដាល ។
បើតាមការអោយដឹងពីប្អូនរបស់ថ្លៃជនរងគ្រោះ បានប្រាប់អោយដឹងថា៖ នៅពេលកើតហេតុវេលាម៉ោង០៦និង៣០នាទីព្រឹកជនរងគ្រោះឈ្មោះ គៀង សារ៉ាត ភេទប្រុស អាយុ៣៤ឆ្នាំ មានស្រុកកំណើត ភូមិ តាប៉ាវបំពេញតេះ ឃុំរកាពប្រាំ ស្រុកត្បូងឃ្មុំ ខេត្តត្បូងឃ្មុំ។
បានបើករថយន្តម៉ាក SCANIAប្រភេទបែន ពណ៌ស ពាក់ស្លាកលេខត្បូងឃ្មុំ3A-1698
មកយកអាចម៍ដី នៅក្នុងរណ្ដៅដី នៅកន្លែងកើតហេតុ ខណៈនោះរថយន្តរងគ្រោះបានថយមកជិត អេស្កាវទ័រ ដើម្បីដាក់ដីចូលប៉ុន្តែ រថយន្តបានរលត់ (ខូច) ជនរងគ្រោះ បានប្រាប់ទៅតៃកុង អេស្កាវទ័រ អោយជួយរុញឡើងតែដោយចាំតៃកុង ជួយរុញយូរ ជនរង គ្រោះ បានចូលក្រោមរថយន្តដើម្បីជួសជុល
ប្រភពបានបន្តថា ខណៈជនរងគ្រោះកំពង់ជួសជុលនោះ តៃកុងអេស្កាវទ័រ បានស៉ីផ្លេរ អោយដំណឹងទៅជនរងគ្រោះដឹងដោយ ស្មានថា ជនរងគ្រោះនៅក្នុងរថយន្ត ស្រាប់តែ តៃកុង អេស្កាវទ័រ រុញរថយន្តរបស់ជនរងគ្រោះពីក្រោយ ដោយមិនបានដឹងថា ជនរងគ្រោះកំពុងតែនៅក្រោមរថយន្ត ទើប បណ្ដាលអោយកិនជនរងគ្រោះស្លាប់ភ្លាមៗនៅកន្លែងកើតហេតុតែម្ដង។
ប្រភពដដែលបានបន្តទៀតថា បន្ទាប់ពីកើតហេតុភ្លាមៗអ្នកបើក អេស្កាវទ័រ បានរត់គេចខ្លួនបាត់ស្រមោល។
ក្រោយកើតហេតុកម្លាំងនគរបាលជំនាញបានចុះទៅពិនិត្យនិងធ្វើកំណត់ហេតុប្រគល់សពជនរងគ្រោះជូនសាច់ញាតិយកទៅធ្វើបុណ្យតាមប្រពៃណី។
ចំណែកវត្ថុតាងរថយន្តកម្លាំងជំនាញបានយកទៅរក្សារទុកនៅអធិការដ្ឋាននគរបាលស្រុកកណ្ដាលស្ទឹងបណ្ដោះអាសន្នដើម្បីកសាងសំណុំរឿងចាត់ការបន្តតាមនិតិវិធី៕
