ក្ដៅៗ! ឧត្ដមសេនីយ៍ឯក ហ៊ុន ជា ស្នេីឲ្យសមត្ថកិច្ច ចាត់វិធានការច្បាប់ចំពោះ បុគ្គលឈ្មោះ នី ណាក់ ដែលបានប្រមាថថ្នាក់ដឹកនាំ និងប្រជាជនកម្ពុជា ដូចដែលសមត្ថកិច្ចធ្វេីចំពោះ ចំប៉ីខ្មៅ កន្លងមក
ភ្នំពេញ៖ យោងតាមផេក ហ្វេសប៊ក ឈ្មោះហ៊ុន ជា ដើម្បីខ្មែរ ដែលជាផេកហ្វេសប៊កផ្ទាល់ របស់ ឯកឧត្ដម ហ៊ុន ជា បានសរសេរថា មួយរយៈនេះមានម្ចាស់ហ្វេសប៊ុកផេកឈ្មោះIMan-KH បានវាយប្រហារទៅលើប្រមុខថ្នាក់ដឹកនាំរបស់ប្រទេសកម្ពុជា ដែលលោកបានលះបង់ទាំងកម្លាំងកាយ និងកម្លាំងចិត្តមកលើប្រទេសដ៏កំសត់មួយនេះ ហើយជាពិសេសគាត់ថែមទាំងប្រមាថលើបងប្អូនកម្មករ និងប្រជាពលរដ្ឋខ្មែរទាំងអស់គ្នាថែមទៀត ដោយប្រើពាក្យថាអ្នកដែលជំពាក់លុយធានាគារ ហើយស្នើសុំសម្ដេចនាយករដ្ឋមន្រ្ដីអន្តរាគមន៍គឺជាមនុស្សចោលម្សៀតគ្មានបានការនិងជាជនថោកទាបបំផុត ហើយដោយពួកគាត់គ្រាន់តែធ្វើការស្នើសុំ ជាសិទ្ធិរបស់ពួកគាត់។ តែពួកគាត់មិនគួរឲ្យលោកមកប្រមាថធ្ងន់ៗបែបនេះទេ។
ការប្រមាថនេះ និងនាំអោយប្រជាពលរដ្ឋមានការរើសអើង និងអាចឈានដល់ការប្រើអំពើហឹង្សាទៀតផងការប្រមាថនេះគួរតែធ្វើអោយដូច ចំប៉ីខ្មៅទើបសាកសម ការប្រមាថមួយនេះ វាពិតជាពិបាកក្នុងការទទួលយកណាស់មិនថាខ្លួនខ្ញុំផ្ទាល់ក៏ដូចជាប្រជាពលរដ្ឋទាំងអស់គ្នា។ ការសុំទោសរបស់គាត់ ក៏ហាក់មិនទទួលស្គាល់ការពិតពីកំហុករបស់អ្នកដែរ។
សូមបងប្អូនមានសមត្ថកិច្ចពាក់ព័ន្ធ ក៏ដូចជាតុលាការសូមជួយចាត់វិធានការលើបុគ្គលរូបនេះ មកដាក់ទោសតាមច្បាប់អោយខានតែបាន ដើម្បីកុំអោយបុគ្គលរូបនេះដើរបំពុលសង្គមតទៅទៀត។ ក្នុងរយះពេលនេះសូមបងប្អូន សាមគ្គីគ្នា និងចេះជួយគ្នាទើបខ្មែរ រីកចំរើន។ ស៊ូឡើងបងប្អូនខ្មែរ, ពីខ្ញុំ ហ៊ុន ជា ដោយក្ដីស្រលាញ់ ៕
