ខ្លាំងមែន! អភិបាលខេត្តកំពង់ឆ្នាំង ជឿគ្រូហោ ភ្លេចគិត យករូបិយប័ណ្ណខ្មែរ ដើរជាន់ប្រមាថព្រះបរមរតនកោដ្ឋ
កំពង់ឆ្នាំង÷ បន្ទាប់ពីបែកធ្លាយរូបភាព២ទៅ ៣សន្លឹកក្នុង ពិធីសូត្រមន្តឡេីងគេហដ្ឋានថ្មីដ៏ធំស្កឹមស្កៃ របស់លោក អភិបាលខេត្តកំពង់ឆ្នាំង លោក ឈួរ ច័ន្ទឌឿនកាលពីថ្ងៃទី ០៩ខែមករាឆ្នាំ២០២០ ដែលសាច់ញាតិរបស់លោកបានបង្ហោះលើបណ្ដាញសង្គមហ្វេសប៊ុក កន្លងមកធ្វើឱ្យ មហាជនទូទាំងប្រទេសផ្ទុះការរិះគន់ ដោយលើកឡើងថា អភិបាលខេត្តកំពង់ឆ្នាំងរូបនេះ មិនគួរធ្វើរឿងផ្ដេសផ្ដាសបែបនេះសោះយករូបិយប័ណ្ណប្រាក់ដែលមានរូបព្រះឆ័យល័ក្ខ ព្រះបរមរតនកោដ្ឋ ដែលប្រជាពលរដ្ឋទូទាំងប្រទេសគោរពស្រលាញ់ទ្រង់ មកក្រាលលើកាំជណ្ដើរផ្ទះហើយដេីជាន់ពីលើអញ្ចឹងសោះ នេះជាកាប្រមាថ ដ៍ធ្ងន់ធ្ងរទៅលេី ព្រះមហាក្សត្រ ព្រះបរមរតនកោដ្ឋ ក្នុងនាមខ្លួនជាមន្ត្រីជាន់ខ្ពស់របស់រាជរដ្ឋាភិបាល ។
យោងតាមប្រភពព័ត៌មានបានឲ្យដឹងថា ចាប់តាំងពីលោកឈួរ ច័ន្ទ ឌឿនមកកាន់តំណែងជា អភិបាលខេត្តកំពង់ឆ្នាំងនិងអតីតជាមេបញ្ជាការតំបន់ប្រតិបត្តិការសឹករងកំពង់ឆ្នាំង គាត់តែងតែធ្វើរឿងប្លែកៗធ្វើឲ្យមហាជនមានការចាប់អារម្មណ៍ជាខ្លាំង។
ដូចជារឿងទី1-យកដីរបស់រដ្ឋធ្វើជារបស់ខ្លួនទី 2- យកត្រារដ្ឋបាលខេត្តមកប្រេីក្នុងការ ថ្លែងការណ៍ការពារទ្រព្យសម្បត្តិរបស់ខ្លួន នឹងកោះហៅភ្ញៀវទៅហែរជំនួន។ ទី3-ចេញសេចក្តីជូនដំណឹងបិទទីលានបាល់ ទាត់មុខសាលាខេត្តកំពង់ឆ្នាំងតែត្រូវបរាជ័យ
ទី4-សូម្បីតែធ្វើបង្គន់អនាម័យក៍ក្រុងពាលី និងធ្វើខ្ទមអ្នកតាក៍ក្រុងពាលីកោះហៅមន្ត្រីរាជការទៅចូលរួមដោយមិនខ្វល់ពីពេល វេលា ។ ទី5-ញុះញ៉ុងឲ្យគេប្ដឹងអ្នក សារព័ត៌មាន តែខ្លះមិនធ្វើតាម ខ្លះទៀតក៏ធ្វើតាម។ ទី6- រំលោភសេចក្តីសម្រេចរបស់តុលាការរឿងដីធ្លីនៅបន្ទាយតំបន់ប្រតិបត្តិការកំពង់ឆ្នាំង។ទី7-កោះប្រជុំមន្ត្រីរាជការគ្មានពេលទំនេរ ខុសពីខេត្តផ្សេង ធ្វើឲ្យមន្ត្រីរាជការមានការរអ៊ូររទាំយ៉ាងខ្លាំង ។ ទី8 -បក្ខពួកនិយមនិងគ្រួសារនិយម។ទី9-នៅថ្ងៃទី០៩ខែមករាឆ្នាំ២០២០ ក្នុងពិធីសូត្រមន្តឡើងគេហដ្ឋានថ្មី របស់អភិបាលខេត្តបែរជាយករូបិយប័ណ្ណប្រាក់រៀលដែលមានរូបព្រះឆ័យល័ក្ខ ព្រះបរមរតនកោដ្ឋព្រះមហាក្សត្រនៃព្រះរាជាណាចក្រកម្ពុជាទៅក្រាលតាមកាំជណ្ដើរហើយដើរជាន់ពីលើ។ ល។ រឿងប្លែកៗចប្លែកបែបនេះត្រូវបានមហាជនមើលឃើញថាដោយសារតែលោកអភិបាលខេត្តកំពង់ឆ្នាំងរូបនេះជឿទៅលើគ្រូហោ ជ្រុលខ្លាំងពេកទើបធ្វើឲ្យ ប្រព្រឹត្តិរឿងមិនគួរគប្បីបែបនេះ។ សូមបញ្ជាក់ថា=រូបភាពទាំងអស់នេះគឺជាពិធីសូត្រមន្តឡើងគេហដ្ឋានថ្មីរបស់ លោកអភិបាលខេត្តកំពង់ឆ្នាំងនៅថ្ងៃទី០៩ខែមករាឆ្នាំ២០២០ដោយបែកធ្លាយពី accounហ្វេសប៊ុករបស់សាច់ញាតិ លោកអភិបាលខេត្តបង្ហោះលើបណ្ដាញសង្គម៕
