នគរបាលខណ្ឌទួលគោកបង្ក្រាបទីតាំងកត់ឆ្នោតវៀតណាមឃាត់ខ្លួនស្ត្រីអ្នកកត់ម្នាក់
ភ្នំពេញ៖ កម្លាំងនគរបាលផ្នែកព្រហ្មទណ្ឌ ខណ្ឌទួលគោក សហការជាមួយកម្លាំងនគរបាលប៉ុស្តិ៍រដ្ឋបាលផ្សារដេប៉ូទី៣ នៃអធិការខណ្ឌទួលគោក និងអាជ្ញាធរសង្កាត់ផ្សារដេប៉ូទី៣ បានចុះបង្ក្រាបជាក់ស្ដែងទីតាំងកត់ឆ្នោតវៀតណាម ខុសច្បាប់ដោយឃាត់ខ្លួនស្ត្រីអ្នកកត់ឆ្នោតបានម្នាក់រួមទាំងវត្ថតាងមួយចំនួន
ប្រតិបត្តការណ៍ចុះបង្ក្រាប់នេះបានធ្វើឡើងកាលពីម៉ោងប្រហែល៤និង៣០នាទីរសៀល ថ្ងៃទី១២ខែធ្នូឆ្នាំ២០១៩ នៅចំណុចមុខផ្ទះលេខ២៨C ផ្លូវលេខ២២៥ ក្រុមទី១៦ ភូមិ៥ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។
សមត្ថកិច្ចបានអោយដឹងថា វត្ថុតាងចាប់យករួមមាន ៖ ក្រដាសកត់ឆ្នោតវៀតណាមរួចចំនួន០២សន្លឹក ត្រាចុះថ្ងៃ,ខែ,ឆ្នាំ ចំនួន០១ , ម៉ាស៊ីនគិតលេខម៉ាកGiraffe ចំនួន០១គ្រឿង និងលុយខ្មែរចំនួន៧០៥០០៛ (ប្រាំពីរមុឺន ប្រាំរយរៀល ) និងទូរស័ព្ទដៃម៉ាក OPPO មួយគ្រឿងស៊េរី CPH 1969 ពណ៌ខ្មៅប្រើស៊ីមលេខ 077 710 957 ។
បច្ចុប្បន្ន ជនសង្ស័យខាងលើ កំពុងឃាត់ខ្លួនជាបណ្ដោះអាសន្ន នៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរ និងកសាងសំណុំរឿងចាត់ការតាមនីតិវិធីច្បាប់៕
