រថយន្តហ៊ីយ៉ាន់ដាយបុករថយន្ត camryរបួសធ្ងន់និងស្រាល៥នាក់
ភ្នំពេញ៖រថយន្ត ហុីយ៉ាន់ដាយបើកលឿនមិនប្រយត្ន័ជ្រុលទៅបុករថយន្តcamry ពេញទំហឹងបណ្ដាលឲ្យអ្នកជិះក្នុងរថយន្តcamry ប្រុសស្រីចំនួន៥នាក់រងរបួសធ្ងន់និងស្រាល
ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៨យប់ថ្ងៃទី២១ខែតុលាឆ្នាំ២០១៩ នៅចំណុចផ្លូវបែកជាបួនប៉ុស្តិ៍២៤ម៉ោងតាមបណ្តោយផ្លូវ ហាណូយកែងនិងផ្លូវឧកញ៉ាម៉ុងរិទ្ធីក្នុងសង្កាត់ភ្នំពេញថ្មីខណ្ឌសែនសុខ។
បើតាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញរថយន្តមួយ គ្រឿងម៉ាក camryពណ៌ស្ករពាក់ស្លាកលេខភ្នំពេញ2A-7818 បើកបរដោយបុរសម្នាក់និងមានរួមដំណើរប្រុសស្រីក្មេងចាស់៥ទៅ៦នាក់ទៀត ដោយធ្វើដំណើរតាមបណ្តោយផ្លូវសម្ដេចជាស៊ីម ទិសដៅពីលិចទៅកើតឆ្លងទៅផ្លូវឧកញ៉ាម៉ុងរិទ្ធី ។
ប្រភពបន្តថា ខណៈដែលរថយន្តcamryឆ្លងផ្លូវបានពាក់កណ្ដាលស្តុប ស្រាប់តែមានរថយន្ត មួយគ្រឿងទៀតម៉ាក ហុីយ៉ាន់ដាយពណ៌ស ពាក់ស្លាកលេខព្រះសីហនុ3A-5493 បើកបរដោយបុរសម្នាក់រួមនិងព្រូម្នាក់ទៀត ធ្វើដំណើរតាមបណ្ដោយផ្លូវហានណូយ ទិសដៅពីត្បូងទៅជើងក្នុងល្បឿនយ៉ាងលឿន លុះមកដល់ចំណុចកើតហេតុ មិនបានប្រុងប្រយត្ន័ ក៏ជ្រុលទៅបុករថយន្តcamry ចំពាក់កណ្ដាលពេញទំហឹងបណ្ដាលឲ្យ រងការខូចខាតយ៉ាងដំណំ និងអ្នករួមដំណើរនៅក្នុងរថយន្តcamry ចំនួន៥នាក់បានរងរបួសធ្ងន់និងស្រាល ភ្លាមៗត្រូវបានរថយន្តសង្គ្រោះបន្ទាន់ដឹកយកទៅសង្គ្រោះនិងព្យាបាលនៅមន្ទីរពេទ្យ ។
ចំណែកអ្នកបើកបររថយន្តទាំង២បានគេចខ្លួនបាត់អស់ នៅសល់តែព្រូរថយន្តហុីយ៉ាន់ដាយម្នាក់ត្រូវសមត្ថកិច្ចឃាត់ខ្លួនយកទៅសួរនាំនៅប៉ុស្តិនគរបាលភ្នំពេញថ្មី ។
ក្រោយពេលកើតហេតុសមត្ថកិច្ចជំនាញចុះមកវាស់វែងយករថយន្តទាំង២គ្រឿងទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញរងចាំធ្វើការដោះស្រាយគ្នាទៅតាមផ្លូវច្បាប់៕
