ប័ណ្ណ (ប.ស.ស) ត្រូវបានផ្តល់ជូនដល់មន្រ្តីជាប់កិច្ចសន្យាសាលាខេត្តក្រុងស្រុកសរុបចំនួន២៨នាក់
ខេត្តកែប៖ រដ្ឋបាលខេត្តកែបបានរៀបចំពិធីចែកប័ណ្ណ(ប.ស.ស)ក្រោមអធិបតីភាព ឯកឧត្ដម កែន សត្ថា អភិបាល នៃគណៈអភិបាលខេត្តកែប ព្រមទាំងមានការអញ្ជើញចូលរួមពី លោកនាយករដ្ឋបាលសាលាខេត្ត ក្រុង ស្រុក នាយក នាយកទីចាត់ការ ប្រធានអង្គភាព អភិបាលរងក្រុងស្រុក ប្រធាន អនុការិយាល័យ មន្រ្តីរាជការ និងមន្រ្តីជាប់កិច្ចសន្យាសាលាខេត្ត ក្រុងស្រុក។
ពិធីនេះធ្វើឡើងនៅរសៀលថ្ងៃទី១៦ ខែកក្កដា ឆ្នាំ២០១៩ ហើយក្នុងឱកាសនោះ ឯកឧត្តមអភិបាលខេត្ត បានលេីកឡេីងពីការគិតគូររបស់រាជរដ្ឋាភិបាលចំពោះមន្រ្តីរាជការ មន្រ្តីជាប់កិច្ចសន្យា និងបានមានប្រសាសន៍ពីសារ:ប្រយោជន៍នៃប័ណ្ណ(ប.ស.ស) ដោយសង្កត់ធ្ងន់ថា មន្ត្រីរាជការ មន្រ្តីជាប់កិច្ចសន្យា ដែលទទួលបានប័ណ្ណនេះ នឹងទទួលបានសេវាថែទាំសុខភាពនៅតាមមន្ទីរពេទ្យ និងមណ្ឌលសុខភាពនានារបស់រដ្ឋ និងឯកជនដែលបានចុះកិច្ចព្រមពៀងជាមួយបេឡាជាតិរបបសន្តិសុខសង្គម(ប.ស.ស) ហេីយពិតជាបានរួមចំណែកក្នុងការសម្រាលបន្ទុកសេដ្ឋកិច្ចដល់មន្រ្តីរាជការ និងមន្រ្តីជាប់កិច្ចសន្យា ដែលកំពុងបំពេញការងារ តាមរយះការធានានូវហានិភ័យទាំងឡាយពាក់ព័ន្ធទៅនឹងសុខភាព ៕
