Sunday, November 22, 2026
Latest:
សន្តិសុខ​សង្គម

ខ្លាំងមែន​ !​ទីតាំងបនល្បែងសុីសង ខុសច្បាប់​ ជល់មាន់និងអាប៉ោងនៅស្រុកបរកែវខេត្ដ​រតនគីរីបិទបាន២ថ្ងៃបើកវិញ​ សមត្ថកិច្ច​ពាក់ពន្ធ័មិនហ៊ានបង្ក្រាប

រតនគីរី​ ៖​ ប្រភព​ច្បាស់ការបានឲ្យដឹងថា​ទីតាំង​បនល្បែង​ស៊ីសង​ ខុសច្បាប់សង្វៀនជល់មាន់និងអាប៉ោង​ ដ៏ធំមួយកន្លែង នៅឃុំ​ទីនចាន់ស្រុកបរកែវ ខេត្តរតនគិរី កំពុងបើក​ដំណើរការ​លេងយ៉ាង​រំភើយ​ មិនការរំខាន​ដល់អាជ្ញាធរ មានសមត្ថកិច្ចមូលដ្ឋានឡើយ ។

ប្រភពបន្តថា​ ម្ចាស់ទីតាំងនិងអ្នកមាន​ភាគ​ហ៊ុន នៅក្នុងបនល្បែងមួយនេះត្រូវស្គាល់​ឈ្មោះ ធី​ បាញ់​ ជាមន្ត្រីយោធា​ មកពីខេត្ត​ក្រចេះ​ ដែលមានឈ្មោះ​បោះសម្លេងល្បីល្បាញ​ សង្ស័យមានអំណាច​ ខ្លាំងជាងអាជ្ញាធរនឹង​សមត្ថកិច្ចខេត្ដរតនគីរីទៅទៀត​ ទើប​ បានជាអាជ្ញាធរ​នឹងសមត្ថកិច្ច​ មិនហ៊ានចុះទៅបង្ក្រាប។

តាមប្រភពពីប្រជាពលរដ្ឋ ដែលរស់នៅក្បែរទីតាំងបនល្បែងខុសច្បាប់មួយនេះបានលួច​បង្ហើបឲ្យដឹងថា ក្រុមអ្នកញៀនល្បែងតែង​តែ​ចេញចូលទៅលេង គគ្រឹកគគ្រេងភ្នាល់ដាក់លុយរាប់សិនលានរៀលក្នុងមួយគួរៗថែម​ទាំងហោរកញ្ច្រៀវ សម្លេងលឺខ្លាំងៗបង្កឲ្យមានភាពអសន្តិសុខ ក្នុងមូលដ្ឋាន តែមិន​ដែលឃើញអាជ្ញាធរមានសមត្ថកិច្ច​ចុះបង្ក្រាប​ឡើយ។ ពលរដ្ឋដាក់ការសង្ស័យថាប្រហែលជាត្រូវរ៉ូវគ្នាជាមួយម្ចាស់បនល្បែង​នោះហើយ​មើលទៅ ទើបមិនបង្ក្រាប​ ធ្វើឲ្យពលរដ្ឋនៅ​ក្នុងមូលដ្ឋាន មានការព្រួយបារម្មណ៍ អំពី សុខសុវត្ថិភាព របស់ពួកគាត់។

គួររំលឹកផងដែរថា​ កន្លងមកសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់ដាក់បទបញ្ជាឲ្យមន្ត្រីនគរបាលពាក់ពន្ធ័ ទូទាំងប្រទេសត្រូវតែបង្ក្រាបរាល់ល្បែងសុីសងខុសច្បាប់គ្រប់ប្រភេទ មិនត្រូវមាន​ការយោគយល់ឡើយ ដើម្បីធានាឲ្យបាន​នូវភូមិឃុំមានសុវត្តិភាព ៩ចំណុចជូនប្រជាពលរដ្ឋ។

ជុំវិញនឹងករណីទីតាំងបនល្បែងសុីសងខាងលើនេះអង្គភាពសារព័ត៌មានយើងបានទំនាក​ទំនងរាយការណ៍ទៅលោកស្នងការខេត្តរតនៈគីរី​ តាមរយៈ​តេឡេក្រាម​ លេខ​0884757777​ តែលោកស្នងការមិន​បានឆ្លើយតប​ ។

ពលរដ្ឋរងចាំមើលថា​ តើលោកស្នងការនិង​មានវិធានការយ៉ាងចំពោះទីតាំងបនល្បែង​សុីសងខុសច្បាប់ដ៏ធំមួយនេះ​ ៕

ចែករំលែកអត្ថបទ