អធិការស្រុកកំពង់សៀមប្រេីអំពើហិង្សាវៃពលរដ្ឋ ឲ្យរបួសធ្ងន់ត្រូវបានដកបញ្ឈរជើង
កំពង់ចាម៖ លោកឧត្ដមសេនីយ៍ទោ ឯម កុសល ស្នងការនគរបាលខេត្តកំពង់ចាម បានសម្រេចបញ្ឈរជេីងលោកវរសេនីយ៍ឯក ឯក ប៉ាក់ដន អធិការនគរបាលស្រុកកំពង់សៀម ដោយសារប្រេីអំពើហិង្សាលើពលរដ្ឋ វៃសន្លប់រងរបួសធ្ងន់រួចចាក់ទឹកដូចសត្វធាតុ កាលពីថ្ងៃចូលឆ្នាំខ្មែរកន្លងទៅ។ ពាក់ព័ន្ធនឹងរឿងនេះ លោកវរសេនីយ៍ឯក ឯក ប៉ាន់ដន ត្រូវបានពលរដ្ឋចោទប្រកាន់ថា បានបប្រើប្រាស់អំពើហិង្សាលើជនដែលអុកឡុកកន្លែងរាំធុងបាស នៅភូមិខែលជ័យ ឃុំអូរស្វាយ ស្រុកកំពង់សៀមនាពេលកន្លងទៅនោះ ហើយត្រូវបានលោក ហួត វុទ្ធី ព្រះរាជអាជ្ញាខេត្តកំពង់ចាម បានចេញដីកាបង្គាប់ឲ្យបើកការស៊ើបអង្កេត ជុំវិញការចោទប្រកាន់នេះ ដើម្បីឲ្យអស់មន្ទិលសង្ស័យរបស់មហាជន និងអ្នកប្រើប្រាស់បណ្ដាញសង្គម។
តាមរយៈគណនេយ្យហ្វេសបុកឈ្មោះថា “Bun Thern” សរសេរថា “ក្នុងនាមខ្ញុំជាប្រជាពលរដ្ឋរស់នៅភូមិខែលជ័យ ឃុំអូរស្វាយ ស្រុកកំពង់សៀម ខេត្តកំពង់ចាម សូមលោក គួច ចំរើន អភិបាលខេត្តកំពង់ចាម ជួយរកយុត្តិធម៌ជូនបងប្រុសខ្ញុំផងអោយពួកខ្ញុំរស់នៅយ៉ាងណាបើគ្រាន់តែបងប្រុសរបស់ខ្ញុំប្រកែកពាក្យសំដីជាមួយគ្នាបន្តិចគាត់មកផ្ទះវិញហើយមិនទាន់ដល់ផ្ទះផងស្រាប់តែអធិការស្រុកកំពង់សៀម លោក ឯក ប៉ាន់ដន មកចាប់បងខ្ញុំវៃហើយបញ្ជូនមកស្រុកវៃចាក់ ទឹកសន្លប់២ដងហើមគ្រប់កន្លែងអាឡូវដេកពេទ្យហើយ7D ។ ហេតុអ្វីលោកអធិកាស្រុកកំពង់សៀមធ្វើបាបបងប្រុសខ្ញុំដល់ថ្នាក់នេះ៕
