ជនសង្ស័យ១ក្រុមដេញកាប់យុវជន១ក្រុមរងរបួសធ្ងន់២នាក់ ប្លន់យកម៉ូតូហុងដាឌ្រីម០១៦ឡើងស៊េរីឆ្នាំ០២០បានសម្រេច រួចជិះគេចខ្លួនបាត់ស្រមោល
ភ្នំពេញ ៖ ជនសង្ស័យ១ក្រុមមានបក្ខពួកជាង១០នាក់បានធ្វើសកម្មភាពកាប់ យុវជន១ក្រុមប្លន់យកម៉ូតូបានសម្រេចរួចជិតគេចខ្លួនបាត់ស្រមោលដោយសុវត្តិភាពមិនរំខានដល់សមត្ថកិច្ចកំពុងលង់លក់ក្នុងដំណេក
ហេតុការណ៏នេះកើតបានឡើងកាលពីវេលាម៉ោង១២និង៥០នាទីរំលងអធ្រាត្រឈានចូលថ្ងៃចន្ទ័ ទី៣០ ខែវិឆ្ឆិកា ឆ្នាំ២០២០ នៅតាមបណ្ដោយផ្លូវ២១៧ចំណុចកន្លែងលក់បាយឆា ក្នុងសង្កាត់ ស្ទឹងមានជ័យទី១ ខណ្ឌមានជ័យ រាជធានីភ្នំពេញ។
ជនរងគ្រោះជាម្ចាស់ម៉ូតូមានឈ្មោះ ធឿន សុខា ភេទប្រុស អាយុ១៩ឆ្នាំ មុរបបើកឡាន ស្នាក់នៅទួលពង្រ។ មានស្រុកកំណើត នៅភូមិស្វាយអណ្ដូង ឃុំជីផុច ស្រុកមេសាង ខេត្តព្រៃវែង។
យោងតាមប្រភពពីជនរងគ្រោះបានឲ្យដឹងថាមុន ពេលកើតហេតុរូបគេមានគ្នា៩នាក់បានចេញពីក្លឺប ជាមួយគ្នា ក្នុងគោលបំណងត្រឡប់ទៅផ្ទះវិញម្ដុំផ្សារទួលពង្រដោយជិះម៉ូតូ៣គ្រឿងតាមបណ្ដោយផ្លូវ២១៧ទិសដៅពីកើតទៅលិច ម៉ូតូដែលជនសង្ស័យប្លន់យកទៅម៉ាកហុងដា ឌ្រីមC125 ស៊េរីឆ្នាំ២០១៦ពណ័ខ្មៅ ឡើងតែម០២០ពាក់ ស្លាកលេខភ្នំពេញ1FS-1202មកដល់ចំណុចកើតហេតុស្រាប់តែលេចមុខជនសង្ស័យ១ក្រុមជិះម៉ូតូ៥គ្រឿងមានគ្នាជាង១០នាក់ចេញពីក្លឹប ជិះដេញមកពីក្រោយបានធ្វើសកម្មភាពយក ដាវ និងកាំបិតកាប់ប្រហាជាច្រើនកាំបិត បណ្ដាលឲ្យយុវជន២នាក់រងរបួសធ្ងន់និង៦នាក់ ទៀតរត់ចេញពិការកាប់ប្រហាដោយឃើញឳកាសល្អជនសង្ស័យទាំងនោះបានលើម៉ូតូជិះចូលតាមផ្លូវចាក់សំរាមគេចខ្លូួនបាត់ស្រមោល។ ចំណែកជនរងគ្រោះទាំង២នាក់ដែលរងរបួសធ្ងន់ត្រូវបានមិត្តភក្ត្រដែលរត់គេចខ្លួនពីកាប់ប្រហាដឹកតាមម៉ូតូយកទៅសង្គ្រោះភ្លាមៗទៅឯមន្ទីរពេទ្យរុស្សី។
ក្រោយកើតហេតុជនរងគ្រោះបានមកដាក់ពាក្យបណ្ដឹងនៅប៉ុស្តិ៏ស្ទឹងមានជ័យទី១ ដើម្បីអោយសមត្ថកិច្ចស្រាវជ្រាវ តាមចាប់ក្រុមជនសង្ស័យ យកមកផ្ដន្ទាទោសតាមច្បាប់ ៕
