នគរបាលឆ្មក់បង្ក្រាបទីតាំងជល់មាន់ឃាត់ខ្លួនអ្នកញៀនល្បែងបាន០៨នាក់
បាត់ដំបង៖ កម្លាំងនគរបាលស្រុកថ្មគោលឆ្មក់បង្រ្កាបទីតាំងល្បែង(ជល់មាន់)មួយកន្លែងឃាត់ខ្លួនក្រុមអ្នកញៀនល្បែងបានចំនួន០៨នាក់ ៖ ប្រតិបត្តិការណ៍បង្ក្រាបនេះបានធ្វើឡើងកាលពីថ្ងៃទី០៨ខែកុម្ភៈឆ្នាំ២០២០នៅចំណុចភូមិឆ្កែកូន ឃុំគោកឃ្មុំ ស្រុកថ្មគោលខេត្តបាត់ដំបង ។
លោកវរសេនីយ៍ឯក ផង់ សុភាព អធិការនគរបាលស្រុកថ្មគោល បានអោយដឹងថា ដោយដោយមានការចង្អុលបង្ហាញពីឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង លោកបានដឹកនាំបញ្ជាកម្លាំងជំនាញនៃអធិការដ្ឋាននគរបាលស្រុកសហការជាមួយកម្លាំងនគរបាលប៉ុស្តិ៍គោកឃ្មុំ បានចុះបង្រ្កាបទីតាំងជល់មាន់ភ្នាល់ដាក់ប្រាក់មួយកន្លែងនៅចំណុចភូមិឆ្កែកូន ឃុំគោកឃ្មុំ ស្រុកថ្មគោលដោយក្នុងនោះបានធ្វើការឃាត់ខ្លួនក្រុមអ្នកប្រព្រឹត្តិល្បែងសុីសងបានចំនួន០៨នាក់យកមកអប់រំ។
ចំពោះវត្ថុតាងដកហូតរួមមាន៖–មាន់ជល់ចំនួន០៣ក្បាល–សង្វៀនជល់មាន់ចំនួន០១–ជញ្ជីងតូចចំនួន០១–ស៊ុមចំនួន១–ធុងជ័រចំនួន១
ក្រោយសមត្ថកិច្ចឃាត់ខ្លួនយកមកបានធ្វើកំណត់ហេតុសាកសួរ អប់រំណែនាំ និងធ្វើកិច្ចសន្យាឈប់ប្រព្រឹត្តល្បែងភ្នាល់ជាបន្តទៀតហេីយបានអោយវិលត្រឡប់ទៅលំនៅដ្ឋានវិញ៕
