មន្ត្រីជំនាញកាំកុងត្រូលខេត្តកំពង់ធំ ចុះត្រួតពិនិត្យ ឆែករកទំនិញខូចគុណភាព
កំពង់ធំ៖ នៅព្រឹកថ្ងៃទី ១២ខែកញ្ញាឆ្នាំ ២០១៩ នេះមន្ត្រីជំនាញកាំកុងត្រូលខេត្តកំពង់ធំ បានសហការជាមួយមន្ទីរពាណិជ្ជកម្មខេត្តចុះត្រួតពិនិត្យទំនិញគ្រប់មុខនិងចំណីអាហារ តាំងលក់ដើម្បីការពារដល់សុខភាពប្រជាពលរដ្ឋដែលទិញយកទៅប្រើប្រាស់ក្នុងពិធីបុណ្យភ្ជុំបិណ្ឌនាពេលខាងមុខនេះនៅក្នុងប្រតិបត្តិការនោះមន្ត្រីជំនាញបានរកឃើញផលិតផលដែលខូចគុណភាពចំនួន១១មុខស្មើនឹងជាង១០០កំប៉ុង ដកហូតយកទៅកម្ទេចចោល។
លោកលៀងសុភាប្រធានសាខាកាំកុងត្រូលខេត្តកំពង់ធំបានឲ្យដឹងថាស្របពេលពិធីបុណ្យភ្ជំបិណ្ឌជិតឈានមកដល់នេះ មន្ត្រីជំនាញកាំកុងត្រូលបានសហការជាមួយនឹងមន្ទីរពាណិជ្ជកម្មខេត្តកំពង់ធំ ព្រមទាំងកងកម្លាំងដើម្បីត្រួតពិនិត្យលើមុខទំនិញគ្រប់ប្រភេទនិងចំណីអាហារជាច្រើន នៅក្នុងនិងជុំវិញផ្សារស្រយ៉ូវ សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ ដើម្បីការពាររាល់ការប៉ះពាល់ដល់សុខភាពបងប្អូនប្រជាពលរដ្ឋដែលគាត់បានមកទិញយកទៅប្រើប្រាស់និងយកទៅធ្វើចង្ហាន់យកទៅប្រគេនព្រះសង្ឃនៅពេលកាន់បិណ្ឌខាងមុខនេះនៅក្នុងប្រតិបត្តិការថ្ងៃនេះដែរ មន្ត្រីជំនាញបានរកឃើញផលិតផលខូចគុណភាពចំនួន ១១មុខក្នុងនោះ មានភេសជ្ជៈចំនួន១០មុខស្មើនិង៩៥កំប៉ុង និង១៩ដប ព្រមមីម៉ាម៉ាចំនួន១៣កញ្ចប់ធំៗ លោក បន្តថា កម្លាំងជំនាញបានណែនាំនិងហាមឃាត់ដល់អាជីវករនិងទឹកបរិសុទ្ធមួយចំនួនដែលគ្មានការបរិច្ឆេត លោកក៏បានអំពាវនាវដល់អាជីវករសហការគ្នាជាមួយមន្ត្រីជំនាញដើម្បីទប់ស្កាត់រាល់ទំនិញក្លែងក្លាយនិងទំនិញហួសកាលបរិច្ឆេទ សំដៅការពារសុខភាពជួនប្រជាពលរដ្ឋ ។
លោកក៏បានណែនាំដល់អ្នកលក់ភេសជ្ជៈនិងអ្នកផលិតទឹកដែលមានការបញ្ជាក់ត្រឹមត្រូវសូម្បីដាក់នូវការបរិច្ឆេត អោយបានត្រឹមត្រូវ ជៀសវាងការប៉ះពាល់សុខភាព មន្ត្រីកាំកុងត្រូលបានបន្តថា នៅក្នុងប្រតិបត្តិការចុះឆែកឆេរនិងត្រួតពិនិត្យទំនិញខូចគុណភាពនៅក្នុង ផ្សារ និងជុំវិញផ្សារស្រយ៉ូវ នេះ កម្លាំងបានដកហូតភេសជ្ជៈនិងមីកញ្ចប់១១មុខ ស្មើនឹងជាង ១០០កំប៉ុងយកទៅកម្ទេចចោល ហើយបាននាំឲ្យអាជីវករ ចេះពី របៀបទុកដាក់វេចខ្ជប់ អោយមានអនាម័យ លោកបញ្ជាក់ថាគិតមកដល់ ត្រីមាសទី ៣ឆ្នាំ២០១៩ នេះ មន្ត្រីជំនាញបានរកឃើញនិងរឹបអូសសម្ភារៈ ខូចគុណភាពបានជិត១តោន ចំនុចនេះឃើញថាប្រជាពលរដ្ឋនិងអាជីវករមានការយល់ដឹងច្រើនស្ទើរតែ១០០ ភាគរយ លោកបន្តថាមន្ត្រីជំនាញនៅតែខិតខំយកចិត្តទុកដាក់បន្តចុះពិនិត្យ ជាប្រចាំដើម្បី រកសារធាតុហាមឃាត់ ដែលនាំឲ្យប៉ះពាល់ដល់សុខភាព៕
