រលាយអស់ហើយ ! តូបលក់ដូរក្នុងផ្សារឃ្លាំងរំសេវចំនួន៤០តូបត្រូវអគ្គិភ័យឆាបឆេះអស់ទាំងស្រុង
ភ្នំពេញ៖ តូបលក់ដូរ របស់អាជីវក ក្នុងផ្សារឃ្លាំងរំសេវត្រូវបានអគ្គិភ័យឆាបឆេះសន្ធោសន្ធៅ បង្កការភ្ញាក់ផ្អេីលដល់ប្រជាពលរដ្ឋនិងសមត្ថកិច្ច កាលពីវេលាម៉ោង១១និង២០នាទីយប់ថ្ងៃទី១០ខែកញ្ញាឆ្នាំ២០១៩ នៅចំនុចផ្សារឃ្លាំងរំសេវ ផ្លូវម៉ៅសេទុង សង្កាត់ផ្សារដេីមគរ ខណ្ឌទួលគោក។
យោងតាមសាក្សីនៅកន្លែងកេីតហេតុបានឲ្យដឹងថា មុនដំបូងគេឃេីញអគ្គីភ័យបានឆេះផ្តេីមចេញពីតូបលេខ២០២-២០៤និង២០៥ ដែលជាតូបលក់ទូរស័ព្ទដៃ នៅខាងមុខគេ ភ្លាមៗនោះប្រជាពលរដ្ឋបានរាយការណ៍ទៅសមត្ថកិច្ចមូលដ្ឋាន ទាក់ទងហៅរថយន្តពន្លត់អគ្គិភ័យជាច្រេីនគ្រឿងមកអន្តរាគមន៍ ជួយបាញ់ពន្លត់តែអគ្គិភ័យនៅតែបន្តឆាបឆេះកាន់តែខ្លាំងឡេីងដោយក្រុមពន្លត់អគ្គិភ័យពិបាក បាញ់ព្រោះតូបនីមួយៗជាប់សោរ។
សមត្ថកិច្ចបានឲ្យដឹងថា បន្ទាប់ពីទទួលបានថាមានហេតុការអគ្គិភ័យ កម្លាំងអន្តរាគមន៍ចេញរថយន្ត ពន្លត់អគ្គិភ័យជាច្រើនគ្រឿងមកជួយបាញ់ពន្លត់ រហូតមកដល់វេលាម៉ោង១២និង២០នាទីទេីបអគ្គិភ័យរលត់ទៅវិញទាំងស្រុង។ ហេតុការណ៍អគ្គិភ័យនេះសមត្ថកិច្ច សន្និដ្ឋាន ជំហ៊ានដំបូងថា បណ្ដាលមកពីឆ្លងរន្តរអគ្គិសនី ទើបបានបង្កជាអគ្គិភ័យតែម្ដង។
សមត្ថកិច្ចបានបន្តថា ចំនួនតូបដែលឆាបឆេះមានចំនួន៤០តូប ត្រូវបានអគ្គិភ័យអស់ទាំងស្រុង ចំណែកសម្ភារ ដែលខូចខាតនៅមិនទាន់អាចប៉ាន់ស្មានដឹងពីចំនួនពិតប្រកដនៅឡើយទេ ៕
