ជិះម៉ូតូលឿនមិនប្រយត្ន័ជ្រុលបុកគូទរថយន្តពីក្រោយដួលបោកក្បាលស្លាប់គួរឲ្យសង្វេក
ភ្នំពេញ៖ បុរសម្នាក់សង្ស័យស្រវឹងស្រា ជិះម៉ូតូលឿនមិនប្រុងប្រយត្ន័ជ្រុលទៅបុកគូទរថយន្តដែលខូចចតនៅស្ងៀមមិនបានដាក់ផ្លាកសញ្ញា បណ្ដាលឲ្យដួលបោកក្បាលស្លាប់យ៉ាងអាណោចអធ័ម ៖ គ្រោះថ្នាក់ចរាចរណ៍ដ៏រន្ធត់នេះបង្កការភ្ញាក់ផ្អើលដល់អ្នកដំណើរ កាលពីវេលាម៉ោង១១និង១០នាទីយប់ថ្ងៃទី១៨ខែឧសភាឆ្នាំ២០១៩ នៅតាមបណ្ដោយផ្លូវ២១៧ ភូមិភ្នាត សង្កាត់ស្ទឹងមានជ័យទី២ ខណ្ឌមានជ័យ ។
ជនរងគ្រោះមានឈ្មោះ នៅ វីរៈ អាយ២៩ឆ្នាំ មុខរបបុគ្គលិកចាក់សាំងស្នាក់នៅភូមិប្ររកា សង្កាត់ព្រៃសរ ខណ្ឌដង្កោ មានស្រុកកំណើតនៅភូមិព្រៃម្លង ឃុំព្រៃខ្លាស្រុកកោះអណ្ដែត ខេត្តតាកែវ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញ រថយន្តស្ទូកមួយគ្រឿងម៉ាកហុីយ៉ាដាយពណ៍ស ពាក់ស្លាកលេខភ្នំពេញ3C-2366 ខូចនៅកណ្ដាលផ្លូវ ហើយម្ចាស់រថយន្តមិនបានដាក់ផ្លាកសញ្ញាអ្វីជាសម្គាល់នោះទេ លុះមកដល់កម៉ោងកើតហេតុស្រាបតែជនរងគ្រោះខាងលើបានជិះម៉ូតូមួយគ្រឿងម៉ាកស្មាក់រ៉េវ៉ូ
ពណ៌ក្រហមលាយខ្មៅ ពាក់ស្លាកលេខ សៀមរាប1J-3271ធ្វើដំណើរតាមបណ្ដោយ ផ្លូវ២១៧ទិសដៅពីត្បួងទៅជើងក្នុងល្បឿនយ៉ាង លឿនមិនបានមេីលរថយន្តក៏ជ្រុលទៅបុកចំពីក្រោយពេញទំហឹង បណ្ដាលឲ្យដួលម៉ូតូហើយម្ចាស់បោកក្បាលនិងថ្នល់ស្លាប់ភ្លាមៗគួរឲ្យរន្ធត់។
ក្រោយពេលកើតហេតុកម្លាំងសមត្ថកិច្ចប៉ុស្តិ៍ស្ទឹងមានជ័យទី២ បានចុះទៅដល់ទីតាំងកើតហេតុរួចទាក់ទងទៅសមត្ថកិច្ចជំនាញចុះមកវាស់វែងយករថយន្តនិងម៉ូតូទៅរក្សាទុកនៅការិយាល័លចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ រងចាំដោះស្រាយតាមច្បាប់នៅពេលក្រោយ ។ ចំណែកសពជនរងគ្រោះសមត្ថកិច្ចធ្វើកំណត់ហេតុប្រគល់ជូនសាច់ញាត្តិយកទៅធ្វើបុណ្យ តាមប្រពៃណី ៕ 
